Салгыы
Бааһырбыт байыастар аймахтара эбии уоппусканы ылыахтара

Бааһырбыт байыастар аймахтара эбии уоппусканы ылыахтара

03.04.2025, 11:37
СИА хаартыската
Бөлөххө киир:

Госдуума анал байыаннай дьайыы кыттыылааҕа бааһыран баран, эмтэнэр буоллаҕына, төрөппүттэрэ, кэргэнэ, оҕолоро эбии 35 күҥҥэ диэри төлөммөт уоппусканы ылыахтарын сөбүн көҥүллүүр сокуону иккис, үһүс ааҕыытыгар ылынна. 

— Маннык уоппуска чугас киһилэрин ыарахан кэмигэр аттыгар баар буолалларыгар, көмөлөһөллөрүгэр кыах биэрэр. Оччоҕо байыас үтүөрэригэр, чөлүгэр түһэригэр да көмөлөөх буолар, түргэтиир. Өскөтүн байыас өлбүт буоллаҕына, огдооболоро 14 күҥҥэ диэри уһуннаах уоппусканы ылыахтарын сөп. Бу кэм аһыыларын аһарыналларыгар, докумуоннары оҥортороллоругар бэриллэр, — диэн Буойуннар дьиэкэрэттэрин кэмитиэтин эрэгийиэннээҕи салаатын бэрэссэдээтэлин солбуйааччы Саргылаана Неустроева бэлиэтээтэ.

Кини этэринэн, билигин маннык миэрэлэр кыралаан үлэлии тураллар, ол эрээри, бу бары байыастарга кыаллыбат. Сокуон байыаннай сулууспалаахтар уонна кинилэр дьиэ кэргэттэрин  социальнай көмүскэллэрин күүһүрдүөҕэ, уоппуска ылар бырааптарын бигэргэтиэҕэ.

— РФ Үлэ кодексын 128-с ыстатыйатыгар киллэриллибит уларыйыылар анал байыаннай дьайыы кыттыылаахтарын дьиэ кэргэттэрин быраап өттүнэн көмүскэллэрин таһымын үрдэтиэҕэ. Бааһырбыт байыастар түргэнник үтүөрэллэригэр, чөлгө түһэллэригэр көмөлөөх буолуоҕа, — диэн кини эттэ.

Ил Дархан, бырабыыталыстыба пресс-сулууспата.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
4 апреля
  • -8°C
  • Ощущается: -15°Влажность: 73% Скорость ветра: 5 м/с

Сообщить об опечатке

Текст, который будет отправлен нашим редакторам: