Бааһырбыт байыастарга көмө төлөбүр кээмэйэ хайдах быһаарылларый?

Саха Өрөспүүбүлүкэтин үлэҕэ уонна социальнай сайдыыга миниистирин бастакы солбуйааччы Альбина Трубина  ыараханнык бааһырбыт байыаннай сулууспалаахтарга төлөбүр кээмэйин туһунан кэпсээтэ.

«Өскөтүн мэдиссиинискэй докумуоннарга байыаннай сулууспалаах бааһырыыта төһө ыарахана дуу, арыый амата дуу (степень) ыйыллыбатах буоллаҕына, 500 тыһыынча солк. кээмэйдээх төлөбүр оҥоһуллар. Онтон эмтэнии кэмигэр  бааһырыыта ыарахана чопчуланнаҕына, эбии 250 тыһыынча солкуобай бэриллэр. Ол аата олус улаханнык бааһырыыга 750 тыһыынча солкуобайдаах төлөбүр оҥоһуллар”, — диэн быһаарда Альбина Трубина.

Быһааран эттэххэ,  бааһырыы төһө ыарахана суруллар ыспыраапканы  байыаннай сулууспалаах эмтэнэн бүппүтүн кэнниттэн байыаннай-быраас хамыыһыйата биэрэр.