Сэтинньи 10 күнүгэр “Россия24” ханаалыгар “Прямой разговор” биэриигэ Ил Дархан Айсен Николаев өрөспүүбүлүкэ экэнэмиичэскэй-социальнай балаһыанньатын туһунан кэпсээтэ, дьон ыйытыытыгар хоруйдаата.
Быһа эпиир кэмигэр маннык ыйытыы киирдэ: “Мин быраатым анал байыаннай дьайыыга сылдьан, бааһырбыта, бастаан чэпчэки бааһырыы диэн быһаарбыттар этэ, кэлин Владивосток госпиталыгар ыараханнык бааһырыы диэбиттэрэ, эмтэнэ сылдьар. Биһиэхэ чэпчэки бааһырыы диэн босуобуйа биэрбиттэрэ. Бу боппуруоһу хайдах быһаартарыахпытын сөбүй?».
— Кэнники кэмҥэ бааһырбыт байыаннайдарга, кинилэр дьиэ кэргэттэригэр көмөнү ылыы туһунан маннык ыйытыылар элбэхтик киирэллэр. Манна госпитальга байыаннай-мэдиссиинискэй хамыыһыйа быһаарыыта оруоллаах буолар. Бааһырыы халымырын-ыараханын быһаараллар, ол докумуонунан туох көмө оҥоһуллара кээмэйдэнэр. Ол эрээри, сороҕор итинник балаһыанньа буолан хаалар. Бааһырыы атын уорганнарга эмиэ дьайан, кэлин туругун ыаратыан сөп.
Халымырдык бааһырбыт буоллаҕына, 500 тыһыынча солкуобай көрүллэр, онтон ыараханнык бааһырбыта билиннэҕинэ, ыспыраапка аҕаллахтарына, эбии 250 тыһыынча солкуобай төлөнөр. Маны социальнай көмүскэл управлениеларыгар баран, эбэтэр, Сүрүннүүр кииҥҥэ 122 нүөмэргэ эрийэн, чуолкайдаһыахха наада, — диэн Айсен Николаев быһааран биэрдэ.
Хаартыска: интэриниэт ситимиттэн.
Дьокуускайга полиция 3 отделын дьуһуурунай чааһыгар эт-хаан эчэйиитин ылбыт Кангаласс олохтооҕо дьахтартан сайабылыанньа киирбит. Ол…
Бүтүн Арассыыйатааҕы байыаннай-тактическай «Путь воина» күрэхтэһии икки полуфиналын түмүгүнэн Саха сирин уонна Тюмень уобалаһын «ВОИН»…
Дьокуускайга 35 саастаах дьахтар үлэлиир тэрилтэтиттэн 2,7 мөлүйүөн солкуобайы уоран, холуобунай дьыала тэрилиннэ. ИДьМ Силиэстийэлиир…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Бүгүн, балаҕан ыйын 18 күнүгэр, Үөһээ Бүлүүгэ үлэ сырыытынан Ил Дархан Айсен Николаев уонна СӨ…
Алтынньы 3-5 күннэригэр Дьокуускайга "Сулус" полигоҥҥа Сэбиэскэй Сойуус Дьоруойа Федор Охлопков аатынан "Бойобуой снайпинг" дьиссипилиинэҕэ…