Хаартыска Мира Афанасьева тиксэриитэ
Сунтаарга сэтинньи 24 күнүгэр “Баай барыылаах Байанайга сүгүрүйүү” булт-алт үөрүйэхтэрин үөрэтэр, тарҕатар, сырдатар тэрээһин ыытылынна.
Бырайыак ааптара С.А.Зверев-Кыыл Уолун аатынан түмэл үлэһитэ Николай Омуков буолар. Кини иккис сылын булчуттары, эр дьону, уолаттары түмэр. Тэрээһин чэрчитинэн “Булчут күрэҕэ”, булт аһын көрүү күрэс быыстапката,булт суруллубут уонна суруллубатах сокуоннарын тула төгүрүк остуол, улуус талааннаах эр дьонун кэнсиэрэ, оһуокай тэрилиннэ.
Булчут күрэҕэр улуус араас нэһилиэктэриттэн 4 хамаанда кыттыыны ылла. Ол курдук, Хадантан Пустоляковтар, Бордоҥтон Еремеевтэр, Уһун Күөлтэн Еремеевтэр уонна Ивановтар кыттыыны ыллылар. Күрэххэ биир дьиэ кэргэнтэн хамаанда тэринэн 5 көрүҥҥэ күрэхтэстилэр. Кыайыылааҕынан Бордоҥтон Еремеевтэр кыайан МР саа хаһаайынынан буоллулар.
Булт аһын күрэһигэр 4 кыттааччы хамаанда тэринэн уонна биирдиилээн дьон кытынна. Ол курдук, Сиэйэ нэһилиэгиттэн Александра Собакина, Бордоҥ нэһилиэгиттэн Петровтар, Сунтаар нэһилиэгиттэн Туяра Константинова, “Сунтаар балыксыт далбар хотуттара” ас эгэлгэтин астаабыттарын көрдөрдүлэр, билиһиннэрдилэр, кэлбит көрөөччүлэргэ күндүлээтилэр. Былырыын бастаабыт Петровтар дьиэ кэргэттэрэ 85 араас бүлүүдэ көрүҥүн, Анастасия Собакина 40 ас арааһын, Сунтаар балыксыт далбар хотуттара 50 балык бүлүүдэтин астаан сөхтөрдүлэр. Манна сэдэх астары эмиэ көрүөххэ сөп. Ол курдук, сыалыһар быарыттан паштет, сыалыһар куртаҕыттан рулет, “Хурум” диэн тыатааҕы сиһин үөһүн быччыҥнарыттан төбөтүн этиттэн бүлүүдэ уо.д.а. бааллар.
Дьүүллүүр сүбэ бастыҥнары ааттаата: 3 үрдэл Александра Собакина, 2 үрдэл Петровтар, 1 үрдэл Сунтаар балыксыт далбар хотуттара буоллулар.
Төгүрүк остуолга эр дьон долгутар булт суруллубут уонна суруллубатах сокуоннарын тула кэпсэттилэр. Ыҥырыылаах ыалдьыттар араас ыйытыктарга эппиэттээтилэр.
Тэрээһини эр дьон кэнсиэринэн түмүктээтилэр. Манна Сунтаар уустара оҥорбут оҥоһуктарын, булт бүлүүдэлэрин аукциоҥҥа таһаардылар. Күрэх кыайыылаахтарын бэлиэтээтилэр.
Мира Афанасьева
Лев Павлов көҥүл тустууга юниордар истэригэр аан дойду чөмпүйэнээтигэр үрүҥ көмүс мэтээли ылары ситистэ. Кини…
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…
Бу күннэргэ өрөспүүбүлүкэ улуустарыгар ититии сезона саҕаланан эрэр. Мэҥэ Хаҥалас улууһун пресс-сулууспата дьаһалта телеграм-ханаалыгар иһитиннэрбитинэн,…