Баайаҕаҕа эдэр уустар болгуону уһаардылар

Кырдьаҕас Баайаҕа уустара былыр былыргыттан болгуо тааһы уһааран, онтон тимири ылан, оҥоһуктарын оҥороллоро.

Аныгы кэм уустара дойдуларыгар хас да төгүл тимири уһаарбыттара. Тимир ууһа Борис Неустроев-Мандар Уус көҕүлээн, баһылык Роман Романов турунан, бастакы уһаарыы ыытыллыбыта. Үс сыллааҕыта этнограф, уус Николай Егоров-Баайаҕыын былыргы уһаарыыны чинчийэн, ол ньыматынан уһаарыыны тэрийбитэ.

Быйылгы уһаарыы уратытынан Баайаҕа үрэҕэ Аллан өрүскэ түһэр тардыытыттан анаан аҕалыллыбыт болгуону уһаарыы буолар. Уһаарыыны көҕүлээччинэн «Мандар кыһата» сайыҥҥы оскуола уһуйааччыта, СӨ норуотун уус-уран оҥоһуктарын маастара Иван Неустроев буолар. Уһаарыы балаҕан ыйын 8 күнүгэр Мандар Уус алгыһынан ыытылынна. Бу күн Баайаҕа аатын ааттатар эдэр уустар түмсэн, эт илиилэринэн тутан-хабан, тимири уһааран, олохторугар биир умнуллубат түгэни хааллардылар. Сыралаах үлэ түмүгүнэн, 2 киилэ 700 гр тимири ыллылар.

Бу туһунан «Мандар Уус» пресс-киин иһитиннэрдэ.