Баайаҕалар Мандар Уус үбүлүөйүн өрөспүүбүлүкэ таһымыгар бэлиэтиири туруорсаллар

Таатта улууһун Уолба уонна Баайаҕа нэһилиэктэригэр ситэриилээх былаас отчуотун тыа хаһаайыстыбатын миниистирэ Артем Александров салайар бөлөҕө ыытта.

Таатта улууһун баһылыгын социальнай боппуруостарга солбуйааччыта Святослав Сунхалыров иһитиннэрбитинэн, уолбалар оскуола тутуутун туруорсубуттар, тыа хаһаайыстыбатын боппуруоһугар уматык сыаната үрдүгүн, олохтоохтор уу сырыыта тохтуур кэмигэр саас-күһүн кыһалҕалаах дьон «Ирбиһинэн» сылдьалларыгар сыана үрдүгүн туруорустулар.

Баайаҕалар 120 сыл анараа өттүгэр тутуллубут балыыһаны саҥардыы боппуруоһун туруорустулар. Быйыл күһүн Борис Неустроев-Мандар 80 сааһын туоларынан сибээстээн, Бырабыыталыстыба хамыыһыйатын тэрийэн, өрөспүүбүлүкэ таһымнаахтык бэлиэтииргэ этии киллэрдилэр.
Бүгүн Таатта улууһун нэһилиэктэринэн отчуот салҕанар.