Хаартыска: Кулан Хаан тус архыыбыттан.
Кэтэһиилээх Саҥа дьылбыт тигинээн тиийэн кэллэ. Сыл аайы аптаах-алыптаах күнтэн биһиги саамай ыра оҥостубут баҕа санаата туоларын, дьикти кэрэ түгэни күүтэбит. Саҥа үүнэр сыл алыптаах түүнүгэр киһи аймах саамай кистэлэҥ баҕа санаатын этэр, үчүгэйгэ, үтүөҕэ эрэнэр. Ол да буоллар, кэнники сылларга кэлэр сыл тугу түстүүрүй, тугу кэтэһэбитий диэн үгүс киһи эрдэттэн билэ-көрө сатыыр буолла. Ол эрээри хайдах олоҕу таларбыт, хайдах дьылҕаланарбыт бэйэбититтэн эрэ тутулуктаах. Быйыл даҕаны ол туһунан астрология, чараас эйгэ дьоно итинник этэллэр.
Бүгүн Баайаҕантай Кулан Хаан, айылҕаттан айдарыылаах кут-сүр уһуйааччыта, ойуун, ол туһунан маннык этэр:
– Билигин кэм-кэрдии уларыйан, олоҕу атыннык көрүөхтээхпит-истиэхтээхпит дии саныыбын. Урукку курдук туох буолуой диэн таайа сатаабакка, олоххо туохха барытыгар бэлэм буолар курдук, турукпутун көрүнүөхтээхпит. Бу кэнники түөрт сыл устата биһиги улаханнык уларыйдыбыт. Аан дойдуну аймаабыт хамсык ыарыыта, дойдуга буола турар быһыы-майгы сабыдыала улахан. Аны билигин арааһынай эспиэрдэр даҕаны, сулустар хаамыыларын көрөр дьон даҕаны элбээтэ. Ол гынан баран, чуолкай таба этэр киһи диэн суох, тоҕо диэтэххэ, уларыйыы наһаа түргэнник бара турар.
Мин санаабар, кэлэр 2024 сыл улахан тургутуулардаах буолуоҕа. Чопчу маннык буолуоҕа, оннук буолуоҕа диэн этэр төрүт табыллыбат. Этика нуорматын даҕаны өттүнэн оннук сөбө суох. Быһаччы маннык буолуоҕа диэн этэн кэбиһэр билигин хайдах эрэ соччо табыгаһа суох диэн көрөбүн. Ол иһин биһиги сахабыт норуота хайдах даҕаны күн-дьыл үүнэр түгэнигэр туохха барытыгар бэлэм, күүстээх ис туруктаах буолар туһугар кыһаллыахтаах.
Бука диэн дьоҥҥо сыһыаны көрүнэн, тылы-өһү тардына туттан, куһаҕаны саҥарбакка, дьону үөхпэккэ сылдьыллыахтаах. Билигин уопсастыбаҕа, дьон араас быһаарыныыны ылынар кэмэ кэллэ. Ону сүөргүлээбэккэ, хас биирдии киһи бэйэтин туругуттан, баран иһэр суолуттан тутулуктанан, быһаарыныы ылынан олоҕун суолун талыахтаах. Биһиги биири өйдүөх тустаахпыт, барыта биһиги баҕабыт хоту буолбат. Дьон атын-атыннык толкуйдуур, быһаарыныыны ылынар, ол иһин холкутаан, кэҥээн биэриэхтээхпит. Этэҥҥэ буолуоҕуҥ!
Ахсынньы 28 күнүгэр өрөбүллээҕи Оһуокайбыт буолла.Быйыл иккис сылын Чысхаан кэлэн алгыстаах оһуокайы таһаарда. Чысхаан оруолун…
Биэс сыллаах тохтобул кэнниттэн Москваҕа тыһыынчанан оҕолорго анаан Кириэмил харыйатын тэрээһинэ ыытылынна. Кинилэр истэригэр Саха…
Бу күннэргэ Горнай улууһун Землячествота саҥалыы тыыннаах тэриллибитэ 10-с үбүлүөйдээх сылын бэлиэтиир. Уопсастыбаннай тэрилтэ үлэтин…
Ахсынньы 26 күнүгэр Бүтүн Арассыыйатааҕы “Полиция Тымныы Моруос Оҕонньоро” аахсыйа саҕаламмыта. Бу суолталаах тэрээһиҥҥэ кыттан,…
Бу күннэргэ Саха сирин талааннаах дьоно хаартан-муустан кэлэн иһэр саргылаах Саҥа дьылы көрсө араас оҥоһуктары…
Дьокуускай куоракка сылаас тохтобулларга оҕолор уруһуйдарын көрүөххэ сөп. Ол курдук, “Доҕордоһуу болуоссатын “ уонна “Центральный”…