Хаартыска: СӨ Ил Дарханын уонна Барыбаатылыстыбатын пресс-сулууспата
Баһаартан уонна халаан уутуттан страховкалааһын айылҕа алдьархайын кэнниттэн хамсаабат баайы-дуолу чөлүгэр түһэриигэ кыах биэрэр, диэн СӨ Гражданскай оборуона уонна нэһилиэнньэ олоҕун куттала суох буолуутун министиэристибэтигэр иһитиннэрдилэр.
«Маннык дьаһаллары эрдэтинэ ылынан, ыксаллаах быһыыга-майгыга бэлэмнээх буоларга, дьиэ кэргэни айылҕа алдьархайыттан эбии көмүскүүр кыаҕы биэрэр», – диэн биэдэмистибэ иһитиннэриитигэр этиллэр.
Министиэристибэ исписэлиистэрэ халаан уута айылҕа көстүүтэ эрэ буолбакка, уопсастыбаҕа уонна инфраструктураҕа ураты тургутуу буоларын санаталлар. Халаан уута чааһынай баайга-дуолга да, уопсастыбаннай эбийиэктэргэ да улахан кутталы суоһатар.
2024 сыллаахха сааскы халаан уута Өлүөхүмэ, Нам, Ньурба уонна Анаабыр оройуоннарыгар 27 нэһилиэнньэлээх пууну таарыйбыта. 3898 киһи эмсэҕэлээбитэ, тырааныспар уонна ОДьКХ инфраструктуратын, энергиянан хааччыйыы, тыа хаһаайыстыбатын, үөрэх уонна доруобуйа харыстабылын эбийиэктэрэ алдьаммыттара. Федеральнай таһымнаах ыксаллаах быһыы-майгы эрэсиимэ биллэриллибитэ.
«Маннык быһыыга-майгыга страховкалааһын көдьүүстээх, наадалаах дьаһал буолар. Үгүс страховой хампанньалар халаан уутуттан полистары оҥотторого ыҥыраллар. Страховкалааһын усулуобуйатын болҕомтолоохтук билсэн, айылҕа катакализмнарын кытта сибээстээх алдьархайтан көмүскэнэри былаанныахха сөп», — диэн биэдэмэстибэҕэ эбэн эттилэр.
СӨ Ил Дарханын уонна Барыбаатылыстыбатын пресс-сулууспата
Бүгүн, ахсынньы 17 күнүгэр, Дьокуускайга 1–5-с кылаас үөрэнээччилэригэр актированнай күн биллэрилиннэ. Бу туһунан киин куорат…
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…