Хаартыска СӨ бырабыыталыстыбатын пресс-сулууспатыттан
Анал байыаннай дьайыы кыттыылаахтарын 941 оҕолоругар үрдээбит истипиэндьийэ олохтоммут. Бу туһунан брифинҥэ Үөрэх уонна билим миниистирин солбуйааччы Степан Степанов иһитиннэрдэ.
Чуолаан, үрдүк үөрэх кыһаларыгар 348, орто үөрэх кыһаларыгар 593 устудьуон итинник истипиэндьийэни ылар.
Үөрэнээччи оҕолоох уонна анал байыаннай дьайыы кыттыылаахтара бэйэлэрэ устудьуон буоллахтарына, өрөспүүбүлүкэ судаарыстыбаннай бүддьүөтүн суотугар үрдүк уонна орто анал үөрэх кыһаларыгар киириигэ дуогабардары түһэрсии салҕанар. Бүгүҥҥү күҥҥэ 30 устудьуону кытта дуогабар түһэрсилиннэ.
Спикер этэринэн, 1718 дьиэ кэргэн оҕо уһуйааныгар төлөбүртэн босхоломмут. Уһуйааҥҥа сылдьар оҕолору дьиэлэриттэн чугас сиргэ көһөрүү уонна күнүстэри-түүннэри көрөр-истэр бөлөхтөргө киллэрии үлэтэ эмиэ барар.
«Оскуолаларга анал байыаннай дьайыы кыттыылаахтарын дьиэ кэргэттэрин 2144 оҕото, 5-тэн 11 кылааска диэри босхо сылаас аһылыгынан хааччылынна. 1467 оҕо эбии уопсай үөрэхтээһин бырагыраамаларыгар – куруһуоктарга, сиэксийэлэргэ сылдьар. 95 дьиэ кэргэн оҕото уһатыллыбыт күннээҕи бөлөхтөргө көрүүгэ-истиигэ ылылллар төлөбүртэн босхолонно», — диэн миниистири солбуйааччы бэлиэтээтэ.
Анал байыаннай дьайыы кыттыылаахтарыгар уонна кинилэр дьиэ кэргэттэригэр өйөбүл миэрэлэрэ 2023 сыл алтынньы 23 күнүттэн 80 №-дээх «Анал байыаннай дьайыы кыттыылаахтарын уонна кинилэр дьиэ кэргэттэрин байыаннай дьайыы кэмигэр өйөөһүн дьаһалларын туһунан» Ыйааҕынан олоххо киллэриллэр.
Санатан эттэххэ, Ил Дархан Айсен Николаев Ил Түмэҥҥэ туһаайан этиитигэр анал байыаннай дьайыы кыттыылаахтарын уонна кинилэр дьиэ кэргэттэрин өйөөһүн былаас уорганнарын үлэлэрин биир сүрүн хайысхатынан буолар.
Арассыыйа билимин күнүн чэрчитинэн Ааҕыы киинэ педагогика билимин хандьыдаата, ыччат бэлиитикэтин туйгуна, ХИФУ педагогикаҕа институтун…
Бэрдьигэстээх сэлиэнньэтигэр бырабыыталыстыба отчуотугар сүрүннээн оскуола, уһуйаан тутуутун туруорустулар. Бастаан Өрт орто оскуолатын 5-с кылааһын…
Политолог Чокуур Гаврильев "болдьоҕо ааспыт" Зеленскэй эйэ дуогабарыгар илии баттыырын биһиги тоҕо билиммэппитин ырытар.
Күн-дьыл эмискэ сылыйара-тымныйара дьоҥҥо тоҕо куһаҕаннык дьайарый? Доруобай дьоҥҥо хайдах да дьайбат, көннөрү таһырдьа сылыйда, тымныйда…
«Толстопятый» диэн норуоттар икки ардыларынааҕы куонкуруска Пензаҕа "Муус устар" ыччат бэстибээлин бастыҥ асчыта Петр Аммосов…
Сахалар холорук туһунан үгүстүк истэллэр. "Холорук түстэ", "холорук курдук", "холорук ытыйбытын курдук" диэн кэпсэтэр тылларыгар…