«Бакалдыны» төрүттээччи Иван Атласов АЛРОСА-тан өйдөбүнньүк бэлэх тутта

«Бакалдын-2024» эбэҥки норуотун бырааһынньыгар 12 улуустан кэлэн кытыннылар.

Бу тэрээһини тэрийбит киһинэн норуот хаһаайыстыбатын үтүөлээх үлэһитэ, Уус Маайа Эдьээниттэн төрүттээх Иван  Атласов буолар. Бөдөҥ уопсастыбаннай диэйэтэл  Саха сирин аҕыйах ахсааннаах норуоттарын ассоциациятын тэрийбит улахан үтүөлээх. 

Иван Михайловиһы кытта  анаан көрсөн кэпсэттим.

Эбэҥкилэри чинчийээччилэр «Сибиир аристократтара» диэн ааттаабыттарын туһунан Иван Михайлович анаан бэлиэтээтэ.

Отучча сыл устата эбэҥки норуотун бэрэстэбиитэллэрэ хас да араас суолталаах тэрээһиннэри ыыппыттарын туһунан бэлиэтээн туран, Иван Атласов аны атын норуоттары кытта холбоһон, биир улахан «Бакалдыны» тэрийэн, норуоттары сомоҕолуур былааннаах.

Эбэҥки норуотун «Бакалдын» бырааһынньыгынан эҕэрдэлээн туран, АЛРОСА АХ ПАО генеральнай дириэктэрин солбуйааччы Алексей Дьячковскай  тэрилтэ аатыттан норуоту сомоҕолуур айылгылаах Иван Атласовка тэлэбиисэр бэлэхтээтэ.

Иван Михайлович сыралаах үлэтэ сыаналанан, биир дойдулаахтарын кытта «Бакалдын» бырааһынньыгар санаата көтөҕүллэн, үөрэ-көтө бырааһынньыктаата.