Баан каартатыттан 200 000 солкуобайын уордарбыт

Биир эр киһи РФ ИДЬМ 1 №-дээх полициятын отделыгар кэлэн, баанын каартатыттан 200 000 солкуобайы устубуттарын туһунан үҥсүбүт.

Холуобунай ирдэбил үлэһиттэрэ суһал үлэни ыытан, уорбаланааччы кимин уонна ханна баарын быһаарбыттар.

Эмсэҕэлээбит киһи 31 саастаах дьахтары кытары билсэн баран, саҥа билсиилээҕин  дьиэтигэр ыалдьыттата ыҥырбыт. Эр киһи утуйа сыттаҕына, уоруйах дьахтар бириэмэни мүччү туппакка быһаарыммыт уонна  эрдэ уоран көрбүт паролун туһанан, элбэх харчыны бэйэтигэр көһөрбүт. Уорбут харчытын тус наадыйыытыгар туһаммыт.

Киниэхэ РФ Холуобунай кодексатын 158 ыст. 3 ч. холуобунай дьыала тэрилиннэ. “Уоруу” ыстатыйанан 6 сылга болдьоҕо быһыллыан сөп.

СӨ ИДьМ пресс-сулууспата