Хаартыска: ЯСИА.
Өскөтө иһитиннэрбит информацията бөдөҥ хоромньуну таһаарбыт буоллаҕына, буруйдаах көҥүлэ быһыллар уонна ыстарааптанар.
Бырабыыталыстыба сокуону оҥорор кэмитиэтэ баан кистэлэҥин уонна судаарыстыбаннай кистэлэҥ информацияларын көмүскүүрү күүһүрдэр икки сокуон барылын бигэргэттэ, диэн иһитиннэрэр РИА.
Бастакы барыл Холуобунай кодекска уларытыылары киллэрэр, ол быһыытынан үлэтинэн сирэй эппиэттээх киһи баан, кэмиэрчэскэй эбэтэр түһээн кистэлэҥнэрин сокуону кэһэн туран биллэрбит эбэтэр туһаммыт буоллаҕына, бу быһыытын иһин көрүллэр накаастабыл күүһүрэн биэрдэ. Бу үөһэ этиллибит кистэлэҥнээх тэрилтэлэри кытта үлэлэһэр баан, түһээн иниспиэктэрдэригэр, хайа баҕарар фирма, хонтуора үлэһиттэригэр сыһыаннаах. Билигин кинилэргэ мөлүйүөннээх ыстараабы кытта көҥүллэрэ быһыллар кутталлара үөскээтэ.
Арассыыйа юристарын ассоциациятын сэбиэтин бэрэссэдээтэлэ Владимир Груздев этэринэн, Холуобунай кодекс көннөрүүлэрин барылыгар ыстараабы сүрүн накаастабыл быһыытынан көрөрү тохтотон, кыччаабыта икки сылга диэри көҥүлү быһыы киллэриллэр. Ону тэҥэ 5 мөл. солк. диэри ыстараап эбии накаастабыл быһыытынан көрүллэр. Суолталаах түгэн: бу уларыйыылар улахан хоромньу оҥоһуллубут түгэнигэр эбэтэр бэйэ интэриэһин иһин буруйу оҥорбут буоллахтарына үлэлииллэр. Оттон, холобур, баан үлэһитэ килийиэнин ойоҕор кэргэнэ төһө хамнастааҕын алҕас этэн биэрдэҕинэ, накаастабыла улаатыа суоҕа. Ити бэйэтин интэриэһэ суоҕунан уонна эр киһи кистэлэҥэ бу түбэлтэҕэ хоромньунан ааҕыллыбатынан быһаарыллар.
Иккис сокуон барыла — информацияны харыстыырга саарбах бырагырааманы туттуу иһин киирдэ, итиннэ ыстараабы балачча улаатыннардылар. Судаарыстыбаннай уонна уопсастыбаннай суолталаах дааннайдар базаларын харыстыырга сертификацияламмыт систиэмэлэр эрэ туттуллуохтаахтар.
«Иккис сокуон барыла сертификацияламматах информационнай систиэмэни уонна дааннайдары харыстыыр сириэстибэлэри туттуу иһин ыстарааптары үрдэтиэ», — диэтэ Владимир Груздев. — Холобур, гражданнарга 5-тэн 10 тыһыынча солкуобайга диэри, оттон юридическэй сирэйдэргэ – 50-тан 100 тыһыынча солкуобайга диэри ыстараап көрүллэр. Судаарыстыбаннай кистэлэҥҥэ сыһыаннаах информацияны харыстыырга сертификацията суох сириэстибэни тутта сылдьар дуоһунастаах дьон ыстарааптара 20-тэн 50 тыһыынча солкуобайга диэри буолуоҕа».
Кини этэринэн, итинник кэһиилэр иһин эппиэтинэскэ тардыы болдьоҕо эмиэ уһаан биэрдэ. Бу дьаһал информационнай куттал суох буолуутун эйгэтигэр бэрээдэги бөҕөргөтүө диэн сабаҕаланар.
Өлүөнэни туоратар муостаны тутуу бигэргэммит кыраапыгынан ыытыллар. Генеральнай бэдэрээтчит уонна бэдэрээтчит тутар-таҥар үлэ комплексын хааччыйаллар.…
“Саха сирэ – Дьоруойдар дойдулара” – билиини уонна уопуту туһанарга уочараттаах хардыы, диир байыаннай дьайыы…
“Саха “ГТРК “Быһа биэрии” биэриитин эпииригэр Айсен Николаев буолан ааспыт олохтоох салайыныы уорганнарын түмүгүн туһунан…
Быйыл сайын Эбээн Бытантай улууһун Дьарҕаалааҕар от үүнүүтэ мөлтөҕүн да иһин, сүөһүлээх-астаах тыа ыаллара сыл…
Бу күннэргэ Өймөкөөн улууһугар толору оту тиэммит массыыналар "Халыма" федеральнай айан суолунан Өймөкөөн улууһун туһаайыытын…
Саха Өрөспүүбүлүкэтин Ил Дархана Айсен Николаев “Россия24” телеханаалга “Быһа кэпсэтии” бырагыраама эпииригэр Дьокуускайга тырааныспар ситимин…