Хаартыска: PxHere саайтан.
Арассыыйа баана арҕааҥҥы дойдулар үптэрин систиэмэтин кытта сибээһэ быстан, Кытай партнердарын кытары бииргэ үлэлиир сыалтан, бэйэтин үлэһиттэригэр кытай тылын үөрэтэргэ сананна.
Киин баан бэйэтин үлэһиттэрин «профессиональнай коммуникация эйгэтигэр» кытай тылын үөрэтиигэ үөрэх өҥөтүн оҥорууга «Сбербаан АСТ» былаһааккатыгар сайаапка таһаарда диэн «Коммерсантъ» суруйар. Сайаапка КНР бэрэссэдээтэлэ Си Цзиньпин Арассыыйаҕа кэлэ сылдьар кэмигэр тахсыбыт.
Бырайыактыыр докумуоҥҥа суруллубутунан, Арассыыйа Киин баана сылга түөрт бөлөҕүнэн түөрт-аҕыс киһини Кытай тылыгар үөрэтэрэргэ былаанныыр. 45 тыһыынчаттан тахса үлэһиттээх баан сылга 32 киһини үөрэттэриитэ киэҥ далааһыннаах курдук көстүбэт эрээри, сыл аайы ыытыллара былааннанар. Киин баан үлэһиттэрэ бырагыраама быһыытынан 288 академическай чаас үөрэниэхтээхтэр, 70% практическай дьарыгы ааһыахтаахтар.
Баан үлэһиттэрэ кытай тылын үөрэтэн кэнэҕэһин «биисинэс-бырассыастарыгар уонна аан дойдутааҕы бииргэ үлэлээһин эйгэтигэр профессиональнай коммуникацияны олохтооһуҥҥа туһаныахтара».
HeadHunter хампаанньа дааннайынан, Арассыыйа үбүн сиэктэригэр кытай тылын билэр үлэһиккэ наадыйыыта 113% үрдээбит.
Норуоттар доҕордоһууларын күннэрин көрсө, сэтинньи 1 күнүгэр, кыһыммыт бастакы киэһэтигэр, Арчы дьиэтигэр Опера уонна балет…
Ньургустаана Петрова мэдиссиинэ сиэстэрэтинэн үлэлээбитэ отуттан тахса сыл буолла. Байыаннай дьайыы буола турар сиригэр 2024…
Сэтинньи 3 күнүгэр Суорун Омоллоон аатынан Опера уонна балет судаарыстыбаннай тыйаатырыгар «В единстве культур –…
Энньэ - былыр кыыс сүктэригэр илдьэ кэлэр бэйэтэ бас билэр баайа-дуола. Энньэ эмиэ халыым курдук…
Алтынньы 27 күнүттэн сэтинньи 1 күнүгэр диэри Владивосток куоракка буолбут Уһук Илиҥҥи III хуор олимпиадатыгар…
Маны билэҕит дуо? Дьэдьэни сэниэ эстиитигэр, хаан кыһыл эттигэ аҕыйааһыныгар, оҕо иһин ыарыытыгар тутталлар. Кучу…