Бааннар дуоллары уонна евроны көҥүл атыыга таһаарыахтара

Балаҕан ыйын 7 күнүгэр Арассыыйа Киин баана нэһилиэнньэҕэ дуоллары уонна евроны кумааҕы харчынан атыылыыр хааччаҕы көтүрэрин туһунан биллэрдэ диэн Киин баан саайтыгар суруйаллар.

Эрдэ бааннар 2022 сыл муус устар 9 күнүттэн эрэ каассаҕа киирбит валютаны атыылыыр бырааптаах этилэр. Балтараа сыл устата арҕааҥҥы дойдулар сааҥсыйаларын утары миэрэ ылыллан, нэһилиэнньэҕэ дуоллары уонна евроны көҥүл атыылыыр хааччахтана сылдьыбыта.

Маны кытта 2022 сыл кулун тутарын иннинэ бааҥҥа уурдарыллыбыт валютаны ылыыга хааччахтааһын 2024 сыл кулун тутар 29 күнүгэр диэри уһатыллыбыт.