Баанньыкка арыгылыы кэлэн баран төлөпүөн былдьаабыт

Бүлүү улууһунааҕы ИДьМ холуобунай ирдэбилин үлэһиттэрэ Өлүөхүмэ улууһуттан төрүттээх 29 саастаах киһи халааһыҥҥа уорбаланарын быһаарбыттар. Бу туһунан СӨ ИДьМ пресс-сулууспата иһитиннэрэр.

Быһаарыллыбытынан, эмсэҕэлээччи уорбаланааччыны кытта арыгы иһээри, баанньыгар ыҥырбыт. Ол олорон эр дьон айдаарсыбыттар, уорбаланааччы эмсэҕэлээччиттэн төлөпүөнүн былдьаабыт уонна барбыт.

Төлөпүөнү сокуоннай хаһаайыныгар төннөрбүттэр. Халааһынынан холуобунай дьыала тэриллибит.