Хаартыска: PxHere
Өлүөхүмэ оройуоннааҕы ИДьМ отделын силиэдэбэтэлэ социальнай инфраструктура эбийиэгэр терроризм туһунан сымыйанан иһитиннэриинэн холуобунай дьыала силиэстийэтин түмүктээтэ. Өлүөхүмэ куорат 46 саастаах олохтооҕо буруйданар. Кини наркотигынан эргинэн уонна киһини эчэтэн, эрдэ сууттана сылдьыбыт. Бу туһунан ИДьМ пресс-сулууспата иһитиннэрэр.
Силиэстийэ быһаарбытынан, эр киһи баан үлэтин сөбүлээбэтэх. Сөбүлээбэтэҕин биллэрэн, бу сыл олунньу 16 күнүгэр төлөпүөннээн, исписэлииһи кытта кэпсэтии кэмигэр баан офиһын эстэриэх буолбут.
Ыйыллыбыт эбийиэккэ полиция силиэстийэлиир-суһал бөлөхтөрө, Росгвардия үлэһиттэрэ, атын суһал сулууспалар кэлбиттэр. Эбийиэккэ кутталынан суоһуур тугу даҕаны булбатахтар.
Бу киһи ким буоларын дьуһуурунай суукка иһигэр быһаарбыттар. Оройуон полициятын үлэһиттэрэ туппуттар.
Манна быһаарыллыбытынан, дуогабар быһыытынан кини счетугар кирэдьиит өҥөтө — тиэхиньиичэкэй овердрафт диэн холбоммут. Лимиитин ааспытын иһин бырыһыан ааҕыллыбыт. Ону сөбүлээбэккэ, бу киһи саанан бааҥҥа эрийбит.
Эр киһи буруйдааҕын билиммит. Билигин холуобунай дьыала матырыйааллара суукка ыытыллыбыттар.
Бу ый саҥатыгар Норуоттар икки ардыларынааҕы “Саха сирин бриллианнара” хаар уонна муус оҥоһук бэстибээлигэр араас…
Ааһан эрэр 2025 сыл Өймөкөөн улууһун олохтоохторугар айылҕа иэдээнэ -- алдьатыылаах халаан үгүс хоромньуну оҥорон,…
Саҥа дьылга эҕэрдэлэһэн буостанан аккырыыкка ыытыһар үтүө үгэс баара. Ол аныгы үйэҕэ уларыйан турар. Ол…
Саҥа дьыл үүнэр түүнүгэр оҕолуун-уруулуун бары туох эмит дьиктини, уратыны, аптааҕы күүтэбит. Чаһы кураана охсорун…
Бэйэлэрин норуоттарыгар үгүс дьоһуннаах айымньылары хаалларбыт суруйааччылар ааҕааччы өйүттэн-санаатыттан сүппэттэр, кинилэр үлэлэрэ көлүөнэттэн көлүөнэҕэ тириэрдиллэн,…
СӨ Доруобуйа харыстабылыгар министиэристибэтэ мэдиссиинэ тэрилтэлэрин бырааһынньыктааҕы уонна өрөбүл күннэргэ -- ахсынньы 31 күнүттэн тохсунньу…