Баарга билсибит дьахтарыттан 16 тыһ.солк. уорбут

Дьокуускайдааҕы полиция дьуһуурунай чааһыгар олохтоох дьахтар 16 тыһ.солк. счетуттан уордарбытын туһунан иһитиннэрбит. Бу туһунан СӨ ИДьМ пресс-сулууспата суруйар.

Холуобунай ирдэбил үлэһиттэрэ Үөһээ Бүлүүтэн төрүттээх эрдэ сууттана сылдьыбыт 29 саастаах киһи уорбаланарын быһаарбыттар.

Быһаарыллыбытынан, уорбаланааччы уонна эмсэҕэлээччи Дьокуускайга баарга сылдьан билсибиттэр. Ол кэнниттэн дьахтар кыбартыыратыгар олорон итирдэр утахтары испиттэр. Эр киһи дьахтар төлөпүөнүн поруолун көрөн, аралдьыйбыт кэмигэр баан сыһыарыытыгар киирэн, 16 тыһ.солк. уорбут. Уорууну эмсэҕэлээччи тута бэлиэтээбэтэх.

Уоруунан холуобунай дьыала тэрилиннэ.