Баарга кыыһы кытта этиһэн баран, микрофону алдьаппыт
21.01.2025, 08:00
Мария Васильева хаартыската, СИА.
Бөлөххө киир:
Дьокуускайга 28 саастаах олохтоох киһи баарга сылдьан кыыһы кытта этиһэн баран караоке микрофонун алдьаппыт. Бу туһунан СӨ ИДьМ пресс-сулууспата иһитиннэрэр.
Быраабы араҥаччылыыр уорганнар иһитиннэрэллэринэн, тэрилтэ баайын-дуолун урусхаллааһын буолбутун туһунан полицияҕа сайабылыанньа киирбит. Суһал-ирдиир үлэлэри ыытаннар, уорбаланааччыны быһаарбыттар.
Онно быһаарыллыбытынан, эр киһи доҕотторун кытта сынньана кэлбит. Ол сылдьан билэр кыыһын кытта мөккүспүт. Этиһэ туран микрофону сиргэ бырахпытыгар алдьаммыт.
Быһылаанынан холуобунай дьыала тэрилиннэ.
+1
1
+1
+1
+1
+1
+1
+1
Сообщить об опечатке
Текст, который будет отправлен нашим редакторам: