Баартыйа «Урбаан» бырайыагын эрэгийиэннээҕи координатора байыаннай дьайыы бэтэрээнин кытта көрүстэ

Бэҕэһээ «Биир ньыгыл Арассыыйа» баартыйа уопсастыбаннай өйөбүлүн ыстаабыгар «Биир ньыгыл Арассыыйа» баартыйа «Урбаан» федеральнай бырайыагын эрэгийиэннээҕи координатора Ольга Григорьева «СВОй бизнес» бырагыраама кыайыылааҕа буолбут анал байыаннай дьайыы бэтэрээнэ, урбаанньыт Алексей Захаровы кытта көрүстэ.

Алексей «Дело СВОих» диэн ааттаах ураты биисинэһин туһунан сиһилии кэпсээтэ. Бу инновационнай кластер араас урбаан үлэтинэн дьарыктанар 15 байыаннай дьайыы бэтэрээнин түмэр. Кинилэр дьиэ ис үрдүн аныгылыы тардыынан, таһаҕас тиэйиитин өҥөтүн оҥоруунан, массыыналары өрөмүөннээһининэн (рихтовка уонна кырааскаалааһын), миэбэл оҥоруутунан уонна ИТ-бырагыраамалааһынынан дьарыктаналлар.
Ураты болҕомто байыаннай дьайыы кыттыылаахтарын социальнай суолталаах үлэнэн хааччыйыыга уурулунна. Ол курдук, социальнай бырайыактары олоххо киллэриигэ үс сылга босхо туһанарга 1200 квадратнай миэтэрэ иэннээх сири биэрбит Арассыыйа ДОСААФ Дьокуускайдааҕы техническэй оскуолатын бэлиэтиир тоҕоостоох.
Ону тэҥэ, салгыы болҕомтону уонна быһаарыылары эрэйэр сорох кыһалҕа туһунан эмиэ этилиннэ.
Ольга Григорьева бэтэрээннэр биисинэстэригэр үөскүүр ыарахаттары туоратыы суолларын быһаарарга СӨ Уопсастыбаннай балаататыгар этии киллэрэр
наадалааҕын тоһоҕолоото.
Ольга Григорьева баартыйа анал байыаннай дьайыы кыттыылаахтарын бырайыактарын, көҕүлээһиннэрин өйүүрүн бэлиэтээтэ, бэтэрээннэр бэйэлэрин дьыалаларын уонна урбааны сайыннаран ситиһиилээхтик олоххо миэстэлэрин булалларыгар, доруобуйаларын чөлүгэр түһэрэргэ уонна үлэҕэ киирэллэригэр усулуобуйалары оҥорорго күүстэрин ууралларын эттэ.