Хаартыска: sakha.gov.ru
Эбээн Бытантай 2027 сыл бүтүүтүгэр түргэн тэтимнээх интэриниэти (ВОЛС) тардыыны, тутууну түмүктүүр былааннаахтар.
Бу туһунан СӨ Бырабыыталыстыбатын отчуотун кэмигэр СӨ инновацияҕа, сыыппараны сайыннарыыга уонна инфокоммуникационнай технологияларга миниистири солбуйааччы Михаил Черноградскай иһитиннэрдэ.
Бырабыыталыстыба отчуота Эбээн Бытантай улууһугар Кустуурга, Дьарҕаалаахха уонна Баатаҕай Алыытыгар ыытылынна. Михаил Черноградскай улуус нэһилиэктэригэр дьон-сэргэ олох хаачыстыбатын тупсарыыны ыйыталларын этэр. Ордук тоһоҕолоон «Синергия Арктики» бырайыак иитинэн хаһан түргэн тэтимнээх интэриниэттэнэллэрин ыйыталаспыттар.
—Олохтоохторго аныгы туруктаах сибээс наадатын өйдүүбүт. Ол иһин магистральнай линияны тутууну сэргэ, ситимнэри бэлэмнээһини саҕалыыбыт. Бу социальнай эбийиэктэри уонна дьон олорор дьиэлэрин түргэнник холбуу охсорго кыаҕы биэриэ, — диэн этэр Михаил Черноградскай.
Санатан эттэххэ, СӨ Бырабыыталыстыбатын отчуота олунньу 2 күнүттэн саҕаламмыта уонна кулун тутурга диэри ыытыллар. Олохтоохтор ыйытыыларын биэрэн хоруйдары ылыахтарын сөп. Түмүк «Саха» НКИХ тахсыаҕа.
Сиһилии: https://www.sakha.gov.ru/news/26255
СӨ Ил Дарханын уонна Бырабыыталыстыбатын пресс-сулууспата
Саха сиригэр удаҕан көмүүтэ көһүннэ диэн иһитиннэрии төһө оруннааҕын билээри, саха биллэр этнографтарыттан биирдэстэрэ, Ем.…
Мииринэй оройуонун ИДьМ отделын дьуһуурунай чааһыгар Мииринэй олохтооҕо дьахтар баайын-дуолун алдьаппыттарын туһунан сайабылыанньа суруйан киллэрбит.…
Куоракка күн аайы пааркаҕа хаалыктаах хаамыынан дьарыктанар, бассейҥҥа сөтүөлүүр, норуокка биллэринэн Сүүрүк Балбаараны киэн тутта…
Атамай нэһилиэгэр Ала ууһа Атамайтан айдарыылаах, биир өбүгэттэн төрүттээх-уустаах, Нам улууһуттан Таастаах уонна Салбаҥ нэһилиэктэрэ…
Киһи аймах туой иһити неолит кэмиттэн, саҥа таас үйэттэн оҥостор, туттар буолбут. Саха омук даҕаны…
Быйыл Өймөкөөн улууһун нэһилиэктэригэр хайа да сыллааҕар түмүктээх, сонун сүүрээннэри саҕар олохтоох былаас отчуота буолан…