Баатаҕай Алыытыгар саҥа оскуола үлэлээтэ

Эбээн Бытантай улууһун Баатаҕай Алыытыгар 220 миэстэлээх таас оскуола үлэҕэ киирдэ.

Саҥа эбийиэк Арассыыйа Бэрэсидьиэнэ Владимир Путин көҕүлээбит «Үөрэҕирии» национальнай бырайыак чэрчитинэн тутулунна.

Таас скуола уопсай иэнэ — 2133 кв.м. Эбийиэк Баатаҕай Алыытын хаарбах туруктаах орто оскуолатын оннугар тутулунна. Эбийиэккэ икки этээстээх оскуолаҕа успуорт саалата, аактабай саал, аһыыр остолобуой, гардероб, мэдиссиинэ хоһо, үлэ уруогар аналлаах мастарыскыай, о.д.а. бааллар.