Баатаҕай-Алыыта сэргэхсийэр

Ыраах, уустук суоллаах-иистээх дойдуга тутуу матырыйаалын таһыы, тутууну да ыытыы уустук үлэ буоллаҕа.

Ону ол диэбэккэ, Эбээн Бытантай улууһун Баатаҕай-Алыытыгар саҥа 220 миэстэлээх таас оскуола саҥа дьылга үлэҕэ киириэхтээх. Ону улаханныын-оҕолуун бары кэтэһэллэр. Билигин оскуола иһинээҕи үлэтин ыыталлар. Тиэргэнин былаһааккатын оҥороллор. Нэһилиэк дьаһалтатын баһылыга Сергей Аликов этэринэн, маны таһынан бөһүөлэккэ саахалланар туруктаах дьиэлэри көһөрүү бырагырааматынан 12 кыбартыыралаах дьиэ тутуллан эрэр. Өссө 12 кыбартыыралаах икки дьиэ тутуллара күүтүллэр. Оччоҕуна олохтоохтор абыраныыһылар.

Баатаҕай-Алыытыгар халлаан тымныйыан иннинэ итиигэ холбоннулар. Манна оттук сезона атырдьах ыйын 28 күнүттэн саҕаламмыта, онон дьиэлэр сылаастар.