Баатаҕайга ититии систиэмэтигэр турба алдьанан, киин хочуолунай үлэтэ тохтоото

Дьааҥы улууһун Баатаҕай бөһүөлэгэр ититии систиэмэтин турбата тоҕо баран, киин хочуолунай үлэтэ тохтоото. Олохтоох дьаһалта быһыыны-майгыны хонтуруоллуур. Социальнай эбийиэктэргэ ититэр тэриллэри туруордулар, турба өрөмүөннэнэр диэн эрэгийиэннээҕи ЫБММ телеграм-ханаала суруйар.

Билигин ОДьКХ тэрилтэ үлэһиттэрэ теплотрасса алдьаммыт учаастагын өрөмүөннүү сылдьаллар.

Социальнай суолталаах эбийиэктэр тоҥмотторун туһуттан дизелинэн барар итиинэн үрэр пушкалары, уотунан баран ититэр тэриллэри туруордулар.

Баатаҕай бөһүөлэгин салайар уорганнарыгар уонна муниципальнай тэриллиигэ үрдүк бэлэмнээх буолуу эрэсиимэ биллэрилиннэ.