«Баҕа санаа харыйата» аахсыйа салҕанар

Саҥа дьыллааҕы бырааһынньыктар бүттүлэр, ол эрээри Бүтүн Арассыыйатааҕы «Баҕа санаа харыйата» аахсыйа өссө да  салҕанар. 

Аахсыйа олунньу 28 күнүгэр диэри салҕаныаҕа. Манна кыттыбакка хаалбыт дьон оҕолор баҕа санааларын толорор кыахтаналлар.

— Ким баҕарар аахсыйа кыттааччыта буолар кыахтаах. Онуоха олунньу 28 күнүгэр диэри   елкажеланий.рф  диэн анал саайтка киирэн, «Исполнить желания» куонуопканы баттыыгыт. «Исполнитель» диэн салааҕа анкетаны толороҕут, пароль толкуйдуугут уонна  «Зарегистрироваться» куонуопканы баттыыгыт.  Эрэгийиэҥҥитин, оҕо баҕа санаатын, бэлэх сууматын бэйэҕит талаҕыт, – диэн тэрийээччилэр суруйаллар.

«Баҕа санаа харыйата» аһымал аахсыйаны бэрэсидьиэн Владимир Путин сорудаҕынан, «Бастакылар хамсааһыннара» оҕо-ыччат уопсастыбаннай-судаарыстыбаннай хамсааһына тэрийбитэ. Ыччат дьыалаларыгар федеральнай ааҕыныстыба өйөөбүтэ. Владимир Путин биир бастакынан аахсыйа кыттааччыта буолбута.

Ил Дархан, бырабыыталыстыба пресс-сулууспата