Хаартыска: Мария Васильева, СИА.
«Движение первых» Бүтүн Арассыыйатааҕы хамсааһын «Баҕа санаа харыйата» диэн аһымал аахсыйаны биллэрэр. Аахсыйаны Ыччат федеральнай ааҕыныстыбата өйүүр.
Бу аахсыйаҕа ким баҕарар кыттан, тулаайах, инбэлиит, ыарыһах оҕолорго уонна кыаммат ыаллар, байыаннай дьайыы кыттыылаахтарын оҕолоругар Саҥа дьыллааҕы бэлэх оҥоруон сөп. Маны тэҥэ, Донецкай, Луганскай Өрөспүүбүлүкэлэргэ, Запорожскай, Херсонскай уобаластарга, Белогородскай, Курскай, Брянскай уобаластарга олорор дьиэ кэргэттэр оҕолоругар эмиэ көмө оҥоһуллар.
Аахсыйа 89 эрэгийиэҥҥэ сэтинньи 15 күнүттэн 2025 сыл олунньу 28 күнүгэр диэри ыытыллар. Бүгүҥҥү күҥҥэ 88 тыһыынча киһи, 1,5 тыһыынча тэрилтэ кыттыстылар. VK, «Сбер», «Автодор», «Объединенная зерновая компания», «ЛокоТех-Сигнал», о.д.а. улахан хампаанньалар сыллата кыттыһаллар.
Аахсыйа офлайн уонна онлайн көрүҥүнэн ыытыллар. Уопсастыбаннай сирдэргэ харыйалар туруохтара, онно оҕолор баҕа санаалара суруллан, ыйанар. Ким баҕалаах ону ылан, оҕо баҕа санаатын толорор кыахтаах. Оттон онлайн көрүҥүнэн, аахсыйа саайтыгар киирэн, бэлэҕи талан, төлүөххэ сөп.
Сайаапкалары елкажеланий.рф саайтка ыытыахха сөп, маны тэҥэ, кыаммат ыалларга көмөлөһөр сыаллаах праздникнастол.рф платформа үлэлиир.
«Баҕа санаа харыйата» хаһыс да сылын ыытыллар, Арассыыйаҕа ураты үгэскэ кубулуйда. Дьону түмэр, үтүөнү үксэтэр аһымал санаа оҕо дьоллонорун, олохпут тупсарын туһугар үксүү турдун!
Уопсайа 500-тэн тахса араас саастаах дьон «Вместе Победим!» диэн сүүрүүгэ кыттыыны ыллылар. Бу аахсыйа онкологическай…
Дьылҕа хаан ыйааҕа билиэҕэ диэн санаа сахаларга хайдах, хаһан кэлбитин билбэтим гынан баран, хас биирдии…
2025 сылга “Үлэ киһитэ‑2025” үрдүк ааты ылбыт дьон ортотугар Бүлүү улууһуттан ийэлээх кыыс бааллара биир…
Саха ынаҕын иитиэн баҕалаах ыал ыйытыытыгар Эбээн Бытантайтан хоруйдаатылар. — Саха ынаҕын иитиэхпитин баҕарабыт. Онон бу…
Мин аҕам туһунан бэрт уһун кэм устата ахтыбакка, суруйбакка сылдьан баран, дьэ бу Улуу Кыайыы…
Нуучча улуу бэйиэтэ, драматура уонна прозаига Александр Пушкин төрөөбүт күнүн көрсө бэйиэт айар үлэтигэр сүгүрүйээччилэр…