Салгыы
Баҕалаах киһи барыта ИТ-технологияҕа үөрэнэр кыахтаах

Баҕалаах киһи барыта ИТ-технологияҕа үөрэнэр кыахтаах

30.11.2023, 21:29
Дархан Айсен Николаев уонна Сбербаан бэрэсидьиэнэ, Бырабылыанньатын бэрэссэдээтэлэ Герман Греф оскуола бэлиэ сэргэтин туруордулар
Бөлөххө киир:

Ил Дархан Айсен Николаев «Якутия 24», «Саха» НКИХ уонна «Тэтим» араадьыйанан быһа эпииргэ тахсан, сэтинньи түмүктэрин кэпсииригэр бу ый саҥатыгар Дьокуускай куоракка аһыллыбыт «Школы 21» кампуһун уратытын кэпсээтэ.

Сэтинньи 9 күнүгэр дойду үрдүнэн 6-с, Уһук Илиҥҥэ маҥнайгы маннык информирование оскуолата, Сбербаан көмөтүнэн тутуллан киирбитэ. Ил Дархан Айсен Николаев кылгас кэм иһигэр федеральнай бырайыагынан тутуллубут аныгы олоххо туһалаах оскуолаҕа ким баҕалаах уон хайысхаттан талан үөрэниэн сөбүн бэлиэтээн эттэ.

«Бу оскуола федеральнай бырайыагынан Сбербаан үбүлээһининэн тутулунна уонна дойду үрдүнэн алтыс буолар. Соторутааҕыта Сбербаан бырабылыанньатын бэрэссэдэтээлэ Герман Греф кэлэн үөрүүлээх быһыыга-майгыга «Школы 21» кампуһун аспыппыт. Бу олох ураты оскуола буолар, манна 18-тан үөһээ саастаах дьон, ИТ-технология эйгэтигэр уон хайысханан буор-босхо үөрэнэр кыахтаннылар. Манна балтараа сылтан үс сылга диэри программированиеттан саҕалаан дизайҥҥа тиийэ үөрэниэхтэрэ», – диэтэ Айсен Николаев.

Ил Дархан бэлиэтээбитинэн, манна урукку үгэскэ олоҕурбут курдук буолбакка, атыннык, нэдиэлэҕэ сэттэ күн суукканы эргиччи, преподавателэ суох, компьютер көмөтүнэн үөрэниэхтэрэ. Үөрэнээччилэр номнуо сүүмэрдэнэн үөрэхтэрин саҕалыахтара.

+1
1
+1
0
+1
0
+1
0
+1
0
+1
0
+1
0
Бары сонуннар
Салгыы
19 июня
  • 16°C
  • Ощущается: 15°Влажность: 63% Скорость ветра: 1 м/с

Сообщить об опечатке

Текст, который будет отправлен нашим редакторам: