Хаартыска:Д.Александрова (Улуус-медиа)
Бальнай үҥкүүгэ Уһук Илин чемпионатын финалистката, Саха сиригэр хас да төгүллээх чемпионка Айаана Николаева уонна Саха сиригэр үҥкүү успуордун сойууһун дириэктэрэ Вячеслав Ефимов Дьокуускай куорат 2 №-дээх оскуолатыгар баҕалаахтарга бальнай үҥкүүгэ маастар-кылааһы ыыталлар.
Маастар-кылаастар 2 №-дээх оскуолаҕа от ыйын 17-26 күннэригэр ыытыллаллар. Айаана латинскай, онтон Вячеслав европейскай бырагыраамалары үөрэтэллэр. Маннык хабааннаах маастар-кылаас Дьокуускайга аан бастаан буолар.
Айаана Николаева бальнай үҥкүүнэн дьарыктаммыта 8 сыл буолла. 14 сааһыттан хайыы үйэ атыттары үөрэтэн барбыта. Кэнники үс сылга ордук латиноамериканскай үҥкүүнэн дьарыктанар. Инникитин тириэньэр буолуон, бу хайысхаҕа күүскэ үлэлиэн баҕарар. Билигин даҕаны күрэхтэһиилэргэ хомуурга тириэньэринэн үлэлиириттэн долгуйарын, ол эрэн улахан уопуту ыларын туһунан этэр. Кини үөрэнээччилэриттэн хас биирдиилэрэ улахан ситиһиилэниэҕэр эрэнэр.
Вячеслав Ефимов маннык тэрээһиннэри, чуолаан маастар-кылаастары сыл аайы ыытар былааннаах.
“Инникитин маастар-кылаастары сыл аайы ыытыахпытын баҕарабыт. Баҕалаахтар биһиги сайыҥҥы хамсааһыммытыгар кытталларын курдук, үҥкүү кулууптарын салайааччыларын эрдэттэн сэрэтиэхпит”, — диэн санаатын үллэстэр.
Бүгүн, ахсынньы 17 күнүгэр, Дьокуускайга 1–5-с кылаас үөрэнээччилэригэр актированнай күн биллэрилиннэ. Бу туһунан киин куорат…
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…