Баҕаны тыыннаахтыы ыйыстыы көмөлөһөр дуу, суох дуу?

Share

«Баҕаны тыыннаахтыы ыйыстыы куртах-оһоҕос ыарыыларыгар чахчы көмөлөһөр дуу, суох дуу?», — диэн ыйытыкка Дьокуускай куорат гастроэнтеролог бырааһа хоруйдаата. Бу туһунан СИА суруйар.

Былыргы сахалар эмтэнэр ньымаларыгар сэллик буолбут киһиэхэ, куртах-оһоҕос ыарыыларыгар кыра баҕаны тыыннаахтыы ыйыһыннараллар эбэтэр эһэ сыатын сиэтэллэр диэн баар.  Ол курдук, тыыннаах баҕаны тыыннаахтыы ыйыһыннахха,  норуокка этиллэринэн, гастрит уонна куртах бааһын ыарыыларыгар туһалыыр диэн тарҕанар. Сорох дьон билиҥҥэ диэри бу ньыманы туһаналлар, ону ааһан социальнай ситимнэринэн сүбэ-ама оҥостон тарҕаталлар. Кинилэр этэллэринэн тыыннаах харамай бүрүйэр салахайа киһи куртаҕын бөҕөргөтөр уонна куртах баастарын эмтиир үһү. Бу ньыма төһө кырдьыктааҕын уонна чахчы киһи куртаҕар киирбит тыыннаах баҕа салгыы хайдах буоларын туһунан  гастроэнтеролог-быраас Парасковья Мекюрдянова кэпсээтэ.

Хаартыска: Парасковья Мекюрдянова

Парасковья Мекюрдянова ХИФУ мэдиссиинэ институтун 2007 сыллаахха бүтэрбитэ. 2012 сыллаахха Санкт-Петербург куоракка гастроэнтеролог идэтигэр үөрэммит. Билигин Family Clinic дьиэ кэргэн мэдиссиинэ киинигэр  уонна «Pro здоровье» доруобуйа уонна киһи ыйааһынын уларытыы киинигэр гастроэнтеролог-бырааһынан үлэлиир.

«Мэдиссиинэ өттүттэн ылан көрдөххө, гастрит уонна куртах ыарыыларыгар тыыннаахтыы баҕаны ыйыстыы көмөлөспөт. Бу наукаҕа сыһыана суох норуот ньымата. Тыыннаах баҕа бастаах куртахха киирэн солянай кислотаҕа буһар, ол кэннэ салгыы оһоҕоско киирэн ферменнэр дьайыыларынан ситэри буһар», — диэн быраас быһаарар.

Мекюрдянова бэлиэтээбитинэн, гастрит ыарыы төрүөтүн булан, куртаҕы  чөлүгэр түһэрэр улахан суолталаах. «Куртах кислотнаһын намтатар эмтэри, гастропротектордары уонна наада буоллаҕына антибиотиктары иһэргэ сүбэлиибин. Ону таһынан диета тутуһар наадалаах. Гастрит көрүҥүттэн көрөн сөптөөх эмтэниини ааһыахха наада»,  — диир гастроэнтеролог-быраас.

Recent Posts

  • Сонуннар
  • Чэгиэн

Тыыныынан эмтэнии

Доруобай буолуу төрдө. Тыыныынан эмтэнии биир саамай былыргы  ньымата -- хатха-йога.  Биһиги кэммитигэр биир сиргэ…

1 час ago
  • Интэриэһинэй
  • Сонуннар

Тымныы кыһын буоларыгар

Күн-дьыл билгэтин төһө билэҕитий?  Бу туһунан И.М.Сосин  "Күн-дьыл билгэтэ" кинигэтигэр сиһилии суруллар.  Тымныы кыһын буоларыгар:…

2 часа ago
  • Сонуннар
  • Уопсастыба

ЫРЫСЫАП: “Сайаҕас” салаат

Дьааҥы улууһун Арыылаах орто оскуолатын саха тылын, литэрэтиирэтин учуутала, РФ уопсай үөрэхтээһинин туйгуна Петр Слепцов…

3 часа ago
  • Сонуннар
  • Уопсастыба

«Идэтийии: өбүгэ үгэһин утумнааччылар»

Ахсынньыга Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааспыта.   Төрүт сахалыы эйгэни…

4 часа ago
  • Итэҕэл
  • Сонуннар

Бит-билгэ туһунан

Сахалар билгэлэрэ Сахалар итэҕэллэринэн киэһэ таһырдьа улаханнык саҥарыа, айдаарыа суохтааххын, сир иччитин кыыһырдыаххын сөп.  Түүн…

5 часов ago
  • Култуура
  • Сонуннар

2025 сыл сүрүн ситиһиилэрэ: эдэр артыыс Эрхаан Слепцов

2025 сыл талааннаах бастыҥ ыччатынан Эрхаан Слепцову ааттыыбыт. “Айхал” диэн Дьулусхан Андросов таһаарбыт сахалыы киинэҕэ…

7 часов ago