Баһаар буруота 79 нэһилиэнньэлээх пууҥҥа бэлиэтэнэр

Баһаар буруота Абый, Алдан, Үөһээ Бүлүү, Бүлүү, Амма, Ленскэй, Горнай, Мииринэй, Нам, Нерюнгри, Ньурба, Сунтаар, Усуйаана, Өлүөхүмэ улуустарыгар, Дьокуускай куоракка бэлиэтэнэр.

Барыта 79 нэһилиэнньэлээх пууҥҥа буруо баара биллэр диэн ыйыллар. От ыйын 17 күнүгэр сарсыарда өрөспүүбүлүкэ сиригэр-уотугар 170 ойуур баһаара бэлиэтэнэр. Уот хаппыт уопсай иэнэ 946 тыһ. гектар. Суукка устатыгар түөрт  баһаар умуруоруллубут, аҕыс бохсуллубут.

Ойуур уотун умуруорууга 1 977 киһи үлэлиир, 171 көлө туһаныллар.