Баһаар умуруора сылдьан парашютист-баһаарынай олохтон туораата

Атырдьах ыйын 14 күнүгэр «Авиалесоохрана» баһаарынай бөлөх инструктора, парашютист-баһаарынай Борис Татаринов олохтон туораата.

Эрэгийиэннээҕи экология министиэристибэтэ иһитиннэрбитинэн, Борис Татаринов 2018 сылтан «Авиалесоохранаҕа» сезоннай баһаарынайынан үлэлиир. 2022 сылтан баһаарынай-десантнигынан  бастайааннай үлэҕэ киирбитэ. Кини 52 парашютунан ыстаныыны оҥорбута, онтон 11 ыстаныыта ойуур баһаарын умуруорууга этэ.

«Кэллэктиибим уонна тус бэйэм ааппыттан Борис Татаринов дьиэ кэргэнигэр, чугас аймахтарыгар, доҕотторугар дириҥ кутурҕаммын тиэрдэбин. Үлэтигэр бэриниитэ, хорсун быһыыта биһиги сүрэхпитигэр үйэ саас хаалыаҕа. Кини олоҕун толук уурбут хорсун быһыыта парашютист-десантниктар үлэлэрэ суолталааҕын саната туруо…» , — диэн «Авиалесоохрана» салайааччыта Владимир Леонов кутурҕанын тиэрдэр.

Борис Татаринов 9 саастаах оҕолоох.