Баһаарга 2008 с.т. кыыс эмсэҕэлээтэ

Ааспыт сууккаҕа Саха сиригэр биэс буруйу оҥоруу тахсыбыт. Манан процессуальнай бэрэбиэркэни ыытыыны уонна холуобунай дьыалалары чинчийиини СӨ Борокуратууратын уорганнара хонтуруолга туталлар.

Алдан улууһугар Аллараа Кураанах бөһүөлэгэр уонна Удачнай куоракка   1 510 039 солк. уонна  571 000 солк.  «инвестицияҕа» итиэннэ  «ФСБ үлэһитэбин» диэн албыннаан төлөпүөннээн, олохтоохтортон  харчыларын суйдаабыттар.

Дьокуускай куоракка  «Ниссан Блюберд» массыынаны күрэтэн барбыттар. Арыгы иһэн баран уруулга олоруу түгэнэ бэлиэтэммит.

Өрөспүүбүлүкэ киин куоратыгар Каландрашвили уулуссаҕа  баар  дьиэ биир кыбартыырата умайан, баһаар кэннэ  2008 с.т. кыыс госпитализацияланна.