Сайаана Львова хаартыскаҕа түһэриитэ
Бүгүн Доруобуйа харыстабылын министиэристибэтэ Ньурба улууһугар бөлүүн баһаарга эмсэҕэлээбиттэр туруктарын туһунан иһитиннэрдэ.
Ньурба улууһун Ньурбачаан нэһилиэгэр бөлүүн буолбут баһаарга эмсэҕэлээбит 1999 с.т. дьахтары уонна 2021 с.т. кыыс оҕону Ньурбатааҕы киин балыыһаҕа реанимационнай отделениетыгар киллэрбиттэрин туһунан СӨ Доруобуйа харыстабылын министиэристибэтэ иһитиннэрэр.
Быраастар кинилэр туруктарын олус ыарахан диэн сыаналыыллар. Эмтээһин ньыматынан Өрөспүүбүлүкэтээҕи 2 №-дээх балыыһа уокка сиэтиллибит киинин исписэлиистэрин кытта телемэдиссиинэ консультациялара ыытыллаллар. Эмсэҕэлээбиттэргэ бары наадалаах мэдиссиинэ көмөтө оҥоһуллар.
Санатан суруйдахха, баһаар тохсунньу 28 күнэ үүнэр түүн тахсыбыта. Быһылаан тахсыбыт сириттэн 2011, 2014 уонна 2023 сыллаах үс оҕо, ону таһынан 1971 уонна 1977 сыллаах икки улахан киһи өлүктэрэ булуллубуттара.
Билигин холуобунай дьыала тэриллэн, Ньурба оройуонун силиэстийэлиир отделын силиэдэбэтэллэрэ быһылаан тахсыбыт сиригэр үлэлииллэр. Силиэстийэ хаамыытын Арассыыйа Силиэстийэлиир кэмитиэтин Саха сиринээҕи силиэстийэлиир управлениетын салайааччыта хонтуруолга ылла.
Олунньуттан Социальнай пуонда бэтэрээннэргэ, инбэлииттэргэ, о.д.а. чэпчэтиилээх категориялаах дьоҥҥо биэнсийэлэрин үрдэтиэҕэ. Барыта 40-тан тахса босуобуйалар,…
Бүгүн Саха Өрөспүүбүлүкэтин Бырабыыталыстыбатын Бэрэссэдээтэлэ Кирилл Бычков Саха Өрөспүүбүлүкэтин ИДьМ кэллиэгийэтин мунньаҕар кытынна. Мунньахха ааспыт…
Үөрэх үлэһиттэрин тохсунньутааҕы мунньаҕын чэрчитинэн Уус Алдан улууһун В.В. Алексеев аатынан Мүрүтээҕи “Уолан” гимназия уонна…
Бүгүн, тохсунньу 28 күнүгэр, Орел куоракка оҕунан ытыыга Арассыыйа Куубага саҕаланар. Бу -- сыл сүрүн…
Бүгүн, тохсунньу 28 күнүгэр, Ил Дархан Айсен Николаев 2026 сыл бастакы ыйын түмүктэрин таһаарыаҕа. Трансляция…
Мин өлүөм — дьүһүнүм сүтүөҕэ, Мин буорум отунан үүнүөҕэ... Кэриэһим — кэннибэр хааларым: Кэхтибэт кэрэкэ…