Баһаарга эр киһи былдьанна, биир киһи эмсэҕэлээтэ

ЫБММ Саха сиринээҕи салаатын пресс-сулууспата иһитиннэрбитинэн, алтынньы 27 күнүгэр  судаарыстыбаннай баһаарынай надзорга  Нам улууһун Сатаҕай диэн сиригэр буруус  дьиэ умайбытын туһунан сайабылыанньа киирбит. 

Баһаарга 70 саастаах эр киһи суорума суолламмыт.  Итиэннэ 65 саастаах эр киһи  уокка сиэтэн эмсэҕэлээбит.

Тутуу 49 кв.м. умайбыт. Билигин баһаар тахсыбыт төрүөтүн, хоромньуну быһаараллар.

01 нүөмэргэ  ыҥырыы киирбэтэх.