Баһаарга икки дьахтар эмсэҕэлээтэ

Бэҕэһээ, сэтинньи 29 күнүгэр, сарсыарда  08.10 ч. Өймөкөөн улууһун Уус Ньара бөһүөлэгэр Индигирскай микро-оройуоҥҥа 8 кыбартыыралаах дьиэҕэ баһаар буолбутун туһунан иһитиннэрии баһаарынай-быыһыыр сулууспаҕа киирбит. 

Баһаарынайдар ыйыллыбыт аадырыһынан тиийбиттэрэ  подъезд барыта буруо эбит. Баһаар түмүгэр  биир кыбартыыраҕа дьыбаан умайбыт.

1959 уонна  1978 с.т. икки дьахтар Уус Ньаратааҕы киин балыыһаҕа киллэриллибиттэр.

Билигин баһаар тахсыбыт төрүөтүн, хоромньуну быһаараллар.