Баһаартан куттала суох буолуу эрэсиимин кэһии иһин — ыстараап

Сайыҥҥы баһаар сезонун иннинэ, СӨ Экологияҕа, айылҕаны туһаныыга уонна ойуур хаһаайыстыбатын министиэристибэтэ сынньана сылдьар дьоҥҥо уонна булчуттарга ойуурга баһаартан сэрэхтээх буолуу быраабылаларын кытаанахтык тутуһар наадатын санатар.

Ойуурга баһаартан куттал суох буолуутун быраабылаларын кэһэр дьон РФ Административнай быраабы кэһиилэр тустарынан кодексын 8.32 ыстатыйатынан административнай эппиэтинэскэ тардыллыахтарын сөп — ойуурга баһаартан куттал суох буолуутун быраабылаларын кэһии иһин.

Маннык кэһии иһин гражданнарга 15 тыһыынчаттан 30 тыһыынчаҕа диэри административнай ыстараап көрүллэр. Кураанах оту уматыы иһин гражданнар 30 тыһыынчаттан 40 тыһыынча солкуобайга диэри ыстарааптаныахтарын сөп.

Ойуурга баһаартан куттал суох буолуутун быраабылаларын кэһии баһаартан куттал суох буолуутун эрэсиимин уонна ойуурга ыксаллаах быһыы-майгы кэмигэр оҥоһуллар түгэнигэр, биирдиилээн дьон 40 тыһыынчаттан 50 тыһыынча солкуобайга диэри ыстарааптаныахтарын сөп. Быраабыланы кэһии түмүгэр ойуур баһаара тахсыбыт түгэнигэр, гражданин 50 тыһыынчаттан 60 тыһыынча солкуобайга диэри ыстарааптаныан сөп.