Хаартыска: sakha.gov.ru
Кулун тутар 3-31 күннэригэр Саха сиригэр дьиэҕэ баһаар буоларын сэрэтэр, ахсаанын аҕыйатар уонна содулун аччатар “Олорор дьиэ – 1 түһүмэх” профилактическай эпэрээссийэ саҕаланна.
Бу туһунан “Якутия 24” телеханаалга “Актуальное интервью” биэриигэ Саха сирин СӨ Гражданскай оборуонатын дьыалаларыгар уонна нэһилиэнньэ олоҕор-дьаһаҕар куттал суох буолуутун хааччыйар Дмитрий Лепчиков иһитиннэрдэ.
Эпэрээссийэ чэрчитинэн ураты болҕомто оһохтоох дьиэлэргэ, хаһаайыстыбаннай тутууларга, ол эбэтэр чааһынай гаражтар уонна баанньыктар, итиэннэ элбэх оҕолоох ыаллар, нэһиилэ хаамар дьон уонна социальнай учуокка турар ыаллар олорор сирдэригэр ууруллуоҕа.
Маны таһынан эпэрээссийэ кэмигэр дьиэлэргэ автономнай баһаар сигнализациятын туруоруу былааннанар.
“Биһиги дьону дьиэлэригэр баһаар сигнализациятын туруоралларын көҕүлүүр сыаллаах “Баһаартан сэрэт – АДПИ-ны туруор” диэн социальнай аахсыйабыт салҕанар. 2025 сылга аахсыйабыт Арассыыйаҕа Аҕа дойдуну көмүскээччи, Саха сиригэр Ийэ дойдуну көмүскээччи сылларыгар ананыаҕа. Бу көҕүлээһин чэрчитинэн, сыл бүтүөр диэри сэрии, тыыл бэтэрээннэрэ, сэрии оҕолоро олорор дьиэлэригэр АДПИ туруорар былааннаахпыт», — диэн бэлиэтээтэ Дмитрий Лепчиков.
Профилактическай рейдэлэр кэмнэригэр баһаарынайдар баһаартан куттал суох буолуутун туһунан инструктаж ыытыахтара, олохтоохторго суһал нүөмэрдэри санатыахтара, баһаары хайдах туоратар туһунан сүбэлээх листовкалары тарҕатыахтара, диэн иһитиннэрэр Ил Дархан, бырабыыталыстыба пресс-сулууспата.
Бүгүн Ил Дархан Айсен Николаев суруналыыстары кытары көрсүһэригэр эрэгийиэн сүрүн салааларыгар идэтийбит каадырдар тиийбэттэрин эттэ.…
Былырыын олунньуга Онкология өрөспүүбүлүкэтээҕи диспансерын саҥа дьиэтэ үлэҕэ киллэриллэн, өрөспүүбүлүкэ олохтоохторо уодаһыннаах ыарыыны сэрэтэргэ уонна…
Бүгүн Дьокуускайга буолбут пресс-кэмпириэнсийэҕэ «Саха» национальнай көрдөрөр-иһитиннэрэр хампаанньа генеральнай дириэктэрэ Олег Марков «Саха» НКИИХ биллиилээх…
Ахсынньы 18 күнүгэр Мэҥэ Хаҥалас улууһун И.М. Сосин аатынан Майатааҕы киин бибилэтиэкэ ааҕар саалатыгар бэйиэт,…
Жатай полициятыгар олохтоох дьахтар төлөпүөннээн, кини массыынатын иһигэр итирик туруктаах билбэт киһитэ олорорун, тахсыан баҕарбатын…
Лоп курдук 60 сыл анараа өттүгэр, 1966 сыл үүнээри турдаҕына, олохпут хайдах этэй? Бу суругу…