Хаартыска: sakha.gov.ru ылылынна
2025 сыл саҥатыттан Саха сиригэр баһаары сэрэтэр, биллэрэр тэрил (АДПИ) кэмигэр холбонон, 34 киһи, ол иһигэр 6 оҕо олоҕо быыһаммыт.
Бу туһунан “Саха” НКИХ “Тэтим” араадьыйатын “Диалог с властью” быһа биэриигэ СӨ баһаары утары охсуһуу судаарыстыбаннай сулууспатын судаарыстыбаннай бүддьүөт тэрилтэтин баһаары сэрэтэр салаатын инженерэ Ольга Андреева иһитиннэрдэ.
“Саха сиригэр “Баһаары сэрэт – АДПИ туруор” диэн олус суолталаах социальнай хампаанньа олоххо киирэн, үгүс туһаны аҕалла. Автономнай баһаар сигнализациятын туруоруу баһаары сэрэтэр уонна быһаарар көдьүүстээх ньыманан буолар. Быйыл баһаар сигнализацията үлэлээбитин түмүгэр 34 киһи, ол иһигэр 6 оҕо эвакуацияланна. Үксүгэр куукунаҕа туруорабыт», — диэн бэлиэтээтэ исписэлиис.
Гражданскай оборона уонна ОДьКХ министиэристибэтин иһитиннэриитинэн, 2025 сыл саҕаланыаҕыттан “Баһаары сэрэтии – АДПИ туруор” диэн социальнай хампаанньа чэрчитинэн, өрөспүүбүлүкэҕэ 1726 тэрил туруоруллубут. Быйыл тыыл бэтэрээннэрин уонна сэрии оҕолорун дьиэ кэргэттэригэр ураты болҕомто ууруллан, кинилэр дьиэлэригэр 303 туруорулунна.
361 анал исписэлиис 995 дьиэ кэргэҥҥэ сылдьан, 1078 сигнализацияны туруордулар. Онтон 181 — бэтэрээннэр дьиэлэригэр.
Аахсыйа олунньу 5 күнүттэн саҕаланан баран, ахсынньы 31 күнүгэр түмүктэниэҕэ.
Тэрээһиҥҥэ ким баҕарар кыттыан сөп. Кыттааччылар баһаартан сэрэтэр тэрили бэйэлэрэ атыылаһан дьиэлэригэр туруортарыахтарын сөп.
Сиһилии: https://www.sakha.gov.ru/news/5103 киирэн ааҕыҥ.
СӨ Ил Дарханын уонна Бырабыыталыстыбатын пресс-сулууспата
Саха сиригэр IV кылаастаах ойуур баһаара ыам ыйын 24-25 күннэригэр Уус Алдан, ыам ыйын 25-26…
Бу дьыл ыам ыйын 12-16 мая күннэригэр Амур уобалаһын уонна Саха сирин Россельхознадзор Управлениетын үлэһиттэрэ…
Волонтердар хомуйан бэлэмнээбит баһыылкаларын СВО сиригэр-уотугар ыытаары бэлэмнииллэр. Бу туһунан "Вместе к Победе" хамыыһыйа өрөспүүбүлүкэтээҕи…
Суорун Омоллоон аатынан Опера уонна балет тыйаатыра туруорбут “Күлүмнүүр таас” испэктээгэ 2023-24 сс. “Кыһыл көмүс…
Бу күннэргэ композитор Владимир Ксенофонтов сүгүрүйээччилэрэ үөрүүлээх сонуну иһиттибит. РФ Бэрэсидьиэнэ В.В.Путин ыйааҕынан өр сыллаах…
Үгэс буолбут IX Арассыыйатааҕы «Забег.РФ» полумарафон ыам ыйын 24 күнүгэр Улуу Кыайыы 80 сылын чэрчитинэн…