Салгыы
Баһаары эрдэттэн биллэрэр тэрил баар буолан

Баһаары эрдэттэн биллэрэр тэрил баар буолан

Ааптар:
06.02.2023, 19:00
Хаартыска СӨ нэһилиэнньэ олоҕор-дьаһаҕар куттал суох буолуутун хааччыйар судаарыстыбаннай кэмитиэт тиксэриитэ.
Бөлөххө киир:

Кыһыл Сыыр бөһүөлэгэр элбэх кыбартыыралаах дьиэҕэ баһаары эрдэттэн биллэрэр тэрил (АДПИ) тыаһаабыт. Туруоруллубут тэрил (АДПИ) тута үлэлээн, олохтоохтор баһаарынай чааска сонно төлөпүөннээбиттэр.

«Бу дьиэҕэ биир кыбартыыра хаһаайына электрическэй билиитэни холбоон баран, онно астаах иһитин уурбут уонна туох да буолуо суоҕа диэн эрэллээх, аанын хатаан,  чугастааҕы маҕаһыыҥҥа ас-үөл ыла тахсыбыт. Ас уокка сиэниллэн хаахтыйарын кытта,  баһаары биллэрэр тэрил үлэлээбит. Сэргэх, болҕомтолоох ыал прибор тыаһыырын истээт, тута бөһүөлэккэ баар ПЧ-2 (баһаарынай чаас) сонно төлөпүөннээбиттэр. Көрбүт киһи кэпсээбитинэн, элбэх кыбартыыралаах дьиэҕэ ыалларыгар баһаары биллэрэр тэрил үлэлээбит, хаһаайын суох, дьиэ таһыттан хатааһыннаах эбит», — диэн Саха сирин баһаары утары сулууспатыттан иһитиннэрдилэр.
Дьуһуурунай этиллибит аадырыска түргэнник тиийбит. Баһаарынайдар содул тахсыан сөбүн тута туораппыттар. Уоту утары охсуһаачылар баһаартан сэрэхтээх буолууга дьиэ олохтоохторугар сэрэтэр үлэни өссө төгүл хатылаан ыыппыттар.
Бэлиэтээн эттэххэ, баһаары биллэрэр тэрил (АДПИ) ПЧ-2 начаалынньыгын солбуйааччы Владимир Прокопьев  дьаһалынан «Предупреди пожар – установи АДПИ!» диэн социальнай аахсыйа иитинэн  туруоруллубут.  ГПС бэлиэтээбиттэринэн, маннык тэрил, уопсайынан, баһаары эрдэттэн биллэрбитэ бу эрэ буолбатах.
Санатар буоллахха, «Предупреди пожар – установи АДПИ!» социальнай аахсыйа СӨ нэһилиэнньэ олоҕор-дьаһаҕар куттал суох буолуутун хааччыйар судаарыстыбаннай кэмитиэт көҕүлээһининэн 2021 сылтан ыытыллар. Бу аахсыйа иитинэн Саха сиригэр 5 тыһыынчаттан тахса баһаары эрдэттэн биллэрэр тэрил туруоруллубут, онно 5,6 тыһ. ыал хабыллыбыт.
+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
30 марта
  • -16°C
  • Ощущается: -23°Влажность: 51% Скорость ветра: 3 м/с

Сообщить об опечатке

Текст, который будет отправлен нашим редакторам: