Баһаары сэрэтэр «Саҥа дьыл» эпэрээссийэ саҕаланыа

Саҥа дьыл саҕана эбийиэктэргэ баһаартан куттал суох буолуутун ситиһэр сыаллаах, ахсынньы ыйтан «Саҥа дьыл» диэн сэрэтэр эпэрээссийэ үлэлиэҕэ диэн  СӨ Гражданскай оборуонаҕа уонна нэһилиэнньэ олоҕор куттал суох буолууну хааччыйар министиэристибэтэ иһитиннэрэр.

Бу эпэрээссийэҕэ  нэһилиэнньэлээх пууннарга, Саҥа дьыл уонна Ороһуоспа бырааһынньыктарын ыытар сирдэргэ, дьон олорор сирдэригэр баһаары сэрэтэр дьаһаллары ыытыы киириэҕэ.

Оҕолору кытта үлэҕэ ураты болҕомто ууруллуоҕа. Орто оскуолаларга кыра оҕолорго уонна үөрэнээччилэргэ баһаартан куттал суох буолуутун култууратын үрдэтиигэ тэрийээччилэр элбэх көрсүһүүлэри ыытыахтара.

Сэрэтэр дьаһаллар кэмнэригэр салайааччыларга, үлэһиттэргэ уонна тэрилтэлэргэ анал  эппиэттээх дьоҥҥо Саҥа дьыллааҕы тэрээһиннэргэ баһаартан куттал суох буолуутун сүрүн ирдэбиллэрин уонна баһаар тахсыбыт түгэнигэр тугу гыныахха сөбүн туһунан сиһилии билиһиннэриэхтэрэ.

Сиһилии аах: https://www.sakha.gov.ru/news/14269