До выборов президента РФ
00 дней
:
00 часов
:
00 минут
:
00 секунд
Баһаары умулларарга Магадан уобалаһыттан көмөҕө кэлиэхтэрэ

Баһаары умулларарга Магадан уобалаһыттан көмөҕө кэлиэхтэрэ

07.07.2023, 11:45
Хаартыска: Ил Дархан пресс-сулууспата
Бөлөххө киир:

Сотору кэминэн Саха сиригэр “Авиалесоохрана” парашютнай-десантнай баһаар федеральнай сулууспатын сүүстэн тахса үлэһитэ кэлиэҕэ. Кинилэр урут ыаллыы Магадан уобалаһыгар ойуур баһаардарын умулларбыттара.

Бу туһунан өрөспүүбүлүкэ бастакы вице-премьерэ Дмитрий Садовников  иһитиннэрдэ:

 «Билигин Саха сиригэр атын эрэгийиэннэртэн, ол иһигэр Бурятия, Амур, Чита, Красноярскай уонна Иркутскай авиаотделениеларыттан, 151 киһи хайыы үйэ үлэлии сылдьар. Уус Маайа улууһугар Бурятияттан кэлбит 25 парашютист уонна десантник үлэлиир. Уоту утары охсуһарга үөрүйэхтээх дьон Забайкалье кыраайыттан кэлэллэр. Ону сэргэ чугастааҕы күннэргэ Магадан уобалаһыттан 100-тэн тахса киһи кэлэрин былаанныыбыт”.

Вице-премьер бэлиэтээн эппитинэн, өрөспүүбүлүкэҕэ ойуур баһаарын балаһыанньата тыҥааһыннаах. Саха сиригэр 198 тыһыынча гааттан ордук сиргэ 163 ойуур баһаара баар. Ордук ыарахан балаһыанньа Уус Маайа уонна Алдан улуустарыгар бэлиэтэнэр. Өрөспүүбүлүкэҕэ баһаары умулларарга  барыта 900-тэн тахса киһи уонна 30 тиэхиньикэ  үлэлиир.

 «Нэһилиэнньэлээх пууннарга куттал суоһаабат, тоҕо диэтэххэ,  баһаардар ыраах сиргэ тахса тураллар. Ол гынан баран, уот тарҕанарын таһаарыа суохха наада”, — диэтэ Дмитрий Садовников 

Сөҥүү түспэтэ уонна Саха сирин үгүс улууһугар куйаас күннэр тураллара балаһыанньаны дириҥэтэр. Ол курдук, зондировщик-сөмөлүөттэр хаһыс да күннэрин кыайан көппөтүлэр.

Ил Дархан Айсен Николаев этиитинэн, федеральнай миниистир эрэгийиэҥҥэ өссө икки Ми-8 ыытарга бэлэмин туһунан иһитиннэрдэ.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
21 февраля
  • -35°C
  • Ощущается: -35°Влажность: 68% Скорость ветра: 0 м/с

Сообщить об опечатке

Текст, который будет отправлен нашим редакторам: