Баһаарынай-быыһыыр сулууспа үлэһиттэрэ биэс массыынаны быыһаатылар

Орто Халыма улууһугар баһаарынай-быыһыыр сулууспа үлэһиттэрэ баһаартан биэс массыынаны быыһаатылар. Бу туһунан ЫБММ Саха сиринээҕи салаатын пресс-сулууспата иһитиннэрдэ. 

Ол курдук,  тохсунньу 3 күнүгэр, киэһэ  19.40 чааска баһаарынай-быыһыыр сулууспаҕа Орто Халыма улууһун киинигэр Промбаза уулуссаҕа  чааһынай гараас умайан эрэрин туһунан суһал иһитиннэрии киирбит. Тута ыйыллыбыт аадырыһынан аҕыйах мүнүүтэнэн  баһаарынайдар тиийбиттэригэр гараастан буруо тахса турар эбит.

Гараас ис бүрүөһүнэ, уопсайа 10 кв.м. уокка былдьаммыт. Баһаарынайдар  биэс массыынаны быыһаабыттар.

Билигин баһаар тахсыбыт төрүөтүн, төһө кээмэйдээх хоромньу тахсыбытын быһаараллар.