Салгыы
Баһаарынай куттал суох буолуутун туһунан сокуоҥҥа уларытыылар киирдилэр

Баһаарынай куттал суох буолуутун туһунан сокуоҥҥа уларытыылар киирдилэр

28.05.2024, 17:02
Хаартыска: Ил Түмэн пресс-сулууспата
Бөлөххө киир:

Ил Түмэн уочарата суох пленарнай мунньаҕар норуот дьокутааттара «Баһаарынай куттал суох буолуутун туһунан» СӨ Сокуонун 19 ыстатыйатыгар уларытыылары киллэрэри өйөөтүлэр.

Бэлиэтээн эттэххэ, сокуон барыла нэһилиэнньэлээх пууннарга баһаары умуруорууга боломуочуйалары хааччаахтааһын чааһыгар федеральнай сокуоҥҥа сөп түбэһиннэрэн оҥоһулунна.

РФ Конституциятын 72-с ыстатыйатыгар саахалы, алдьархайы, дьаҥы утары охсуһууга дьаһалы ылыы, кинилэр содулларын туоратыы Арассыыйа Федерациятын уонна кини субъектарын кытта бииргэ үлэлэһиигэ сытар диэн сурулла сылдьар. Баһаары умуруоруу судаарыстыбаннай былаас федеральнай уорганнарын, ону сэргэ дойуд субъектарын боломуочуйаларыгар киирэр уонна кинилэр бииргэ үлэлиэхтээхтэр диэн буолар.

Ил Түмэн экэнэмиичэскэй, инвестиционнай уонна бырамыысыланнай бэлиитикэҕэ сис кэмитиэтин бэрэссэдээтэлэ Павел Петров сокуон барыла 2024 с. ыам ыйын 20 күнүгэр тустаах кэмитиэт мунньаҕар көрүллүбүтүн эттэ, онно РФ Юстициятын министиэристибэтин Саха сиринээҕи салаатын уонна СӨ Борокуратууратын түмүктэрин ылбытын иһитиннэрдэ.

Сокуон бырайыага бүтэһиктээхтик ылылынна диэн Ил Түмэн пресс-сулууспата иһитиннэрэр.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
19 июня
  • 14°C
  • Ощущается: 13°Влажность: 77% Скорость ветра: 2 м/с

Сообщить об опечатке

Текст, который будет отправлен нашим редакторам: