Баһаарынайдар доруобуйатынан хааччахтаах, ойуурга сүппүт дьахтары быыһаатылар

Сунтаар улууһун Бордоҥ сэлиэнньэтин 1991 сыллаах төрүөх олохтооҕо ийэтинээн дэриэбинэттэн 4 км тэйиччи сытар Быһыр Өтөҕө диэн сиргэ тэллэйдии барбыт.

Тэллэйдии сылдьан дьахтар сирин-уотун билбэт буолан мунан хаалбыт. Сүппүт дьахтары Бордоҥ сэлиэнньэтин 6-с Дьоҕус баһаарынай чааһын үлэһиттэрэ көрдүү барбыттар. Хас да чаас күүрээннээх көрдөөһүн кэннэ, сүппүт дьахтар булуллубут, кини доруобуйатын туруга этэҥҥэ эбит. Бу туһунан СӨ Судаарыстыбаннай баһаары утары сулууспата иһитиннэрэр. Баһаарынайдар суһаллык уонна сөптөөхтүк дьаһаммыттарын түмүгэр барыта үчүгэйдик түмүктэннэ.

Кэнники кэмнэргэ ойуурга киһи сүтэрэ элбээтэ. Ойуурга бараргыт туһунан кимиэхэ эмэ сэрэтэн этиҥ. Туохха, ханна бараргытын, ханнык ойуурга, хаһан төннөрү былаанныыргытын этэргит наада, ыксаллаах быһыы-майгы үөскээтэҕинэ, ол быыһааччыларга көмө буолуо.