Горнай улууһугар Бэрдьигэстээххэ С.П.Данилов аатынан оскуола көҕүлээһинэн, иккис сылын “Баһаарынай охрана” компетенцияҕа оскуолалар икки ардыларыгар улуустааҕы хамаанданан бастыыр иһин куонкурус көхтөөхтүк, өрө көтөҕүллүүлээхтик ыытыллар.
Бастатан туран, Горнай улууһун баһаары утары охсуһар сулууспата үрдүк таһымнаахтык тэрийэн ыытарыгар махтанабыт. Куонкурус баһаартан куттал суох буолуутун сэрэтэр сыалтан тэриллэр уонна оҕолору баһаарынай идэтигэр сыһыарар. Манна Өрт, Орто Сурт, Бэс Күөл, Маҕарас, Бэрдьигэстээхтэн үс оскуола кытыннылар.
Күөн күрэскэ кыттааччылар дьоҥҥо мэдиссиинэ бастакы көмөтүн оҥороллор, баһаарынай бойобуой таҥаһын түргэнник кэтэллэр, о.д.а. уустук тургутуулары ааһаллар. Маныаха хамаандалар бастатан туран, сатабылларын уонна хамаанданан үлэлэрин көрдөрөллөр.
СӨ быыһыыр сулууспатын исписэлиистэрэ Варвара Лобанова, Валентин Ефремов, Сергей Алексеев кэлэн дьоҥҥо мэдиссиинэ бастакы көмөтүн оҥорууга күрэхтэһиини көрдүлэр-иһиттилэр, дьүүллүүр сүбэҕэ олордулар. Ону сэргэ, ОБЖ учууталларыгар, үөрэнээччилэргэ үөрэхтээһиини ыыттылар.
Бэрт сытыы, тыҥааһыннаах куоталаһыы кэнниттэн, хамаанданан үс бастыҥ миэстэлэри быһаардылар. Кыайыыга дьүккүөрдээх уонна сомоҕолоһуулаах, түргэн-тарҕан туттунуулаах, барытыгар сатабыллаах үлэлээх С.П.Данилов аатынан Бэрдьигэстээх орто оскуолатын хамаандата бастаата. Иккис улуустааҕы гимназия, үһүс А.Н.Осипов аатынан Бэрдьигэстээх орто оскуолатын хамаандата буоллулар. Бастыҥ хамаанда “Ворлдскиллс” чөмпүйэнээккэ кыттыаҕа.
Манна даҕатан эттэххэ, былырыын 3 оскуола кыттыбыт буоллаҕына, быйыл сэттэ оскуола күөн көрсүбүтэ хайҕаллаах. Оскуолаларга «Баһаарынайдар эдэр доҕотторо” хамсааһын тэнийэн эрэрэ үөрдэр.
«Кэскил» медиа-оскуола
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…