Баһаарынайдар  сыаҕы,  5  техниканы быыһаатылар

Бэҕэһээ  Дьокуускайга Михаил Николаев проспегар улахан баһаар буолбутун туһунан саайпытыгар суруйбуппут.

СӨ ЫБММ иһитиннэрбитинэн, алтынньы 8 күнүгэр  13:39 ч. Дьокуускай куорат баһаарынай-быыһыыр сулууспатыгар Михаил Николаев проспегын 36-гар өрөмүөннүүр сыахха баһаар тахсыбытын туһунан иһитиннэрии киирбит.   2 мүнүүтэнэн баһаарынайдар миэстэтигэр тиийбиттэр.

Баһаар түмүгэр тутуу 150 кв. м. хоруобуйата уокка былдьаммыт. Баһаарынайдар  сыаҕы,  5  техниканы быыһаабыттар.

Билигин баһаар тахсыбыт төрүөтүн, хоромньуну ааҕаллар.