Баһаарынайдар уоттан биэс киһини уонна биир оҕону быыһаатылар

Бүгүн, ахсынньы 1 күнүгэр, Нерюнгри куоракка элбэх кыбартыыралаах олорор дьиэ кыбартыырата умайда.

ЫБММ үлэһиттэрэ  уоту кэмигэр умуруордулар уонна алта киһини быыһаатылар.

ЫБММ пресс-сулууспата суруйарынан, Нерюнгрига Кравченко аатынан уулуссаҕа дьиэ кыбартыырата умайа турарын туһунан тыллабыр ЫБММ дьуһуурунайыгар сарсыарда 6.30 ч. саҕана киирбит. Быыһааччылар уот турбут сиригэр алта мүнүүтэнэн тиийбиттэр. Уокка истиэнэ панеллара уонна икки киирэр аан былдьаммыт, ону тэҥэ бэһис этээскэ кирилиэс муостата умайбыт. Уопсайа дьиэ 10 кв.м. умайбыт.