Бахилатын кэтээри, сыаналаах төлөпүөнүн уордарбыт

Дьокуускай куорат олохтооҕо дьахтар күнүс поликлиникаҕа сылдьан 90 тыһ. солк. сыаналаах төлөпүөнүн уордарбытын туһунан полицияҕа иһитиннэрбит. Бу туһунан СӨ ИДьМ пресс-сулууспата суруйар.

Суһал-ирдиир тэрээһиннэр ыытылланнар, холуобунай ирдэбил үлэһиттэрэ быһылааҥҥа уорбаланар киһини быһаарбыттар. Бу 41 саастаах эр киһи эбит.

Дьахтар балыыһаҕа кэлэн бырааска көрдөрө киирээри, бахилатын кэппит. Ол кэмҥэ төлөпүөнүн көрүдүөргэ дьыбааҥҥа хаалларбыт. Ону уорбаланааччы мэдиссиинискэй кабинеттан тахсан иһэн бэлиэтии көрөн уоран ылбыт уонна поликлиникаттан барбыт.

Төлөпүөн төннөрүллүбүт. Быһылаанынан холуобунай дьыала тэрилиннэ.