Бахсыга 10 кыбартыыралаах дьиэ тутуллар

Чурапчы улууһун  нэһилиэктэригэр сыл ахсын саҥа таас тутуулар дьэндэйэллэр.  Бахсы нэһилиэгэр Култуура дьиэтэ уонна 10 кыбартыыралаах  олорор дьиэ тутуллар.

Улуус баһылыга Степан Саргыдаев салайааччылаах бөлөх бу күннэргэ тутуу хаамыытын билистэ. Ол туһунан:

—Бахсылар өр күүппүт эбийиэктэрэ – Култуура дьиэтэ — бу сыл бүтүөр диэри үлэҕэ киириэхтээх. «Стройкомплект» ХЭТ үлэ 76 %-нын толорбут. Оттон нэһилиэккэ тутулла турар элбэх кыбартыыралаах олорор дьиэ болдьоҕо — эһиил. “Мегастрой” тэрилтэ үлэтэ-хамнаһа былаан быһыытынан бара турар,- телеграмҥа ханаалыгар суруйда.