Баһылыктар быыбардара

Бэс ыйын 19 күнүгэр Саха сиринээҕи Быыбар киин хамыыһыйата муниципальнай быыбардары анааһына салҕанар.

Быыбар киин хамыыһыйата иһитиннэрбитинэн, Уус Алдан улууһугар баһылык быыбара ананна.

Ону тэҥэ маннык поселениеларга баһылык быыбара ыытыллыаҕа:

Кыргыдай нэһилиэгэр (17.06) (Бүлүү); Теплай Ключ нэһилиэгэр (Томпо); Силээннээх национальнай, Тумат национальнай нэһилиэктэригэр (Усуйаана).

Оттон ханнык поселениеларга бэрэстэбиитэллээх уорганнар дьокутааттарын быыбара буоларый?

Искра нэһилиэгэр (Нам); 1-кы Хаҥалас нэһилиэгэр (Орто Халыма); Баайаҕа нэһилиэгэр (Таатта); Теплай Ключ нэһилиэгэр (Томпо).

Улуус таһымыгар дьокутааттарга эбии быыбар Уус Алдан улууһугар ыытыллыаҕа.

Поселение таһымыгар дьокутааттарга эбии быыбар Амма улууһун Амма нэһилиэгэр буолуоҕа.