Сайаана Львова хаартыската.
Кулун тутар 28 күнүгэр Саха Өрөспүүбүлүкэтин муниципальнай тэриллиилэрин бэрэстэбиитэллээх уорганнарын дьокутааттарын II сийиэһин уонна Саха Өрөспүүбүлүкэтин муниципальнай тэриллиилэрин сэбиэтин – Муниципалитеттар икки ардыларынааҕы бииргэ үлэлээһин ассоциациятын IX сийиэһин чэрчитинэн «төгүрүк остуоллар» ыытылыннылар.
Дэлэгээттэр үс сиринэн, «СӨ олохтоох салайыныы суолталаах боппуруостара», «СӨ экология, сири туһаныы, тыа хаһаайыстыбатын, Арктика зонатын, олох-дьаһах хаһаайыстыбата уонна энергетика боппуруостара», «Үөрэх, култуура, наука, дьиэ кэргэн уонна оҕо, патриотическай иитии боппуруостара» тиэмэлэргэ төгүрүк остуолларга кытыннылар.
Сарсыарда эрдэттэн Дьокуускай куорат уокуруктааҕы дьаһалтатын аактабай саалатыгар «СӨ олохтоох салайыныы суолталаах боппуруостара» диэн «төгүрүк остуолга» «Биир кэлим былаас систиэмэтигэр олохтоох бэйэни салайыныыны тэрийии уопсай бириинсиптэрин туһунан» 4033681-8 №-дээх федеральнай сокуонун бырайыагын туһунан, «СӨ бүддьүөт икки ардыгар сыһыан», «СӨ олохтоох бүддьүөт сүрүн боппуруостара» уонна «Өймөкөөн улууһа (оройуона)» муниципальнай тэриллии тас муниципальнай үп хонтуруолун ыытарга боломуочуйаны Счетнай балаатаҕа биэриигэ сөбүлэһиигэ илии баттааһын боппуруостара көрүлүннүлэр.
«Төгүрүк остуолу» СӨ Ил Түмэнин судаарыстыбаннай тутулга уонна олохтоох салайыныыга сис кэмитиэтин бэрэссэдээтэлэ Владимир Прокопьев уонна Ил Түмэн бүддьүөккэ сис кэмитиэтин бэрэссэдээтэлэ Юрий Николаев салайан ыыттылар.
Тэрээһин саҕаланыыта СӨ Бырабыыталыстыбатын Бэрэссэдээтэлин солбуйааччы Георгий Степанов нэһилиэнньэ туруктаах сайдыытын үрдэтэр сыалтан социальнай-үлэ сыһыаннаһыылара сайдыытыгар олохтоох бэйэни салайыныы оруолун туһунан кэпсээтэ. Салгыы өрөспүүбүлүкэ бүддьүөтүн туһунан СӨ үбүн миниистирин бастакы солбуйааччыта Иван Алексеев дакылааттаата.
СӨ үлэҕэ уонна социальнай сайдыыга миниистирэ Елена Волкова 2023 сылга бүддьүөт эйгэтин тэрилтэлэригэр үлэ төлөбүрүн систиэмэтин тупсарыы кэнсиэпсийэтин олоххо киллэриигэ олохтоох бэйэни салайыныы уорганнарын соруктарын туһунан кэпсээбитин тэрээһин кыттыылаахтара улаханнык сэргээн иһиттилэр.
Ил Түмэн сис кэмитиэтин бэрэссэдээтэлэ Владимир Прокопьев сокуон бырайыагын туһунан ырытан кэпсээтэ.
«Дойду үрдүнэн бу сокуон бырайыагар 700-чэ эбии, көннөрүү киирбитэ, оттон биһиги өттүбүтүттэн 9 көннөрүү оҥоһуллубута. Бары эрэгийиэннэргэ дьүүллэһии күүскэ барбыта. Биир кэлим былаас систиэмэтигэр олохтоох бэйэни салайыныыны тэрийии уопсай бириинсиптэрин туһунан сокуон Арассыыйа хас биирдии олохтооҕун интэриэһин көмүскүө диэн эрэнэбин», — диэн Владимир Прокопьев бэлиэтээн эттэ.
Пилота суох көтөр аппарааттар, дирижабллар уонна экранопланнар инникитин хотугу таһаҕаһы тиэрдии — ол эбэтэр, Сибиир уонна…
Үөрэх үлэһиттэрин атырдьах ыйынааҕы мунньаҕа, ааспыт сыллары кытта тэҥнээтэххэ, тус бэйэм санаабар, ордук кыһалҕалааҕынан, итиэннэ…
Саха сирин синоптиктара балаҕан ыйын 1 күнүгэр былыттаах, сөҥүүтэ суох күнү-дьылы билгэлииллэр. Күн-дьыл хайдах буолуоҕун…
Киэҥ нэлэмэн хонуу ортотугар араас тиэхиньикэнэн оттуу сылдьар дьону утары көрбүтүнэн тиийдим. Бастаан утаа “уолаттарбын…
Тренд, муода барыта батысыһыылаах уонна ардыгар иэдээннээх буолар. Ол курдук, самокаттан саҕаламмыт муода аны питбайк…
Социальнай ситимнэринэн уонна сорох СМИ-нэн балаҕан ыйыгар оскуолалар коронавирус саҥа «Стратус» штамма тарҕаныыта үрдээбититтэн дистанционнай…